Бугарија ќе се снабдува со гас и од Азербејџан

Добивај вести на Viber

Гугарската компанија Булгаргаз потпиша договор со конзорциумот Шах Дениз 2 за купување на природен гас од Азербејџан, соопштија од компанијата.Како што пренесуваат бугарските медиуми,  испораките на гасот ќе започнат најрано во 2019 година , а ќе се дистрибуира 1 милијарди кубни метри годишно. Клаузулите на договорот сепак ќе се активираат при донесување на одлука за инвестирање за втората фаза на Шах Дениз 2. Уште во почетокот на годината извршниот директор на Булгаргаз, Димитар Гогов соопшти дека се водат преговори за купување на азербејџански гас . Сепак транспортот до Бугарија се отежнува, бидејќи конзорциумот Шах Дениз 2 го  отфрли Набуко -Запад како фаворитна траса за транспорт на суровината до Европа . Азербејџанскиот гас ќе потече во трансатлантскиот гасовод кој поминува низ Грција и стигнува до Италија, а до бугарија пак ќе се носи преку Грција и Турција , врски кои сеуште не се изградени . Во меѓувреме ИТАР -ТАСС соопшти дека Шах Дениз Втори потпишал договори со уште 8 големи компании за снабдување со природен гас - Shell , GasNatural Fenosa , DEPA , E.on , GDF Suez , Axpo , Enel и HERAtrading . Со овие договори ќе бидат доставени над 10 милијарди кубни метри гас годишно до Италија , Грција и Бугарија , истакна на церемонијата на потпишување на договорите регионалниот директор на BP за Азербејџан , Грузија и Турција, Гордон Бруер.