Бугарија со повеќе пари од планираното, платите во јавниот сектор пак ќе растат

Добивај вести на Viber

Наместо добри 1.1 милијарди лева дефицит, буџетот на Бугарија бележи минус од само 400 милиони лева. Како главна причина за ова се сметаат добрата наплата на данокот и царината во 2012 година која  завршила подобро од очекуваното, соопшти министерот за финансии, Симеон Џанков, пренесува БНТ. Тој најави уште дека Брисел ја платил последната рата од над 300 милиони евра за европроекти кои Бугарија ги чекаше во декември и кои беа причината пензионерите да не добијат божиќни додатоци. Според него, парите пристигнале во последниот ден на буџетската година - на 28 декември попладне. Колку повеќе, толку повеќе Главната причина за помалиот дефицит се поголемите приходи. Според министерот за финансии, планот на царината бил исполнет со 25 милиони лева. Националната агенција за приходи, пак собрала 150 милиони лева над предвиденото. На крајот на 2012 година Министерството за финансии ги ревидира очекувања за дефицитот од првичнита  900 милиони лева, на помалку од 800 милиони лева. Како една од главните причини за подобрените очекувања беа парите од Европската комисија пари за европроектите. Според Џанков, фискалните резерви со кои се започнува 2013 година, се околу 7 милијарди лева, поради што државата нема да се појави на пазарот на државни хартии од вредност и да бара надворешно финансирање. На 15 јануари сепак претстои првото големо плаќање на државата по нејзиниот надворешен долг - 1.6 милијарди лева за глобалните обврзници, издадени во 2002 година, што ќе се одрази на нивото на фискални резерви. Надежи за зголемување на платите Можно е и зголемување на некои приходи поради нискиот дефицит за 2012 година, пренесуваат бугарските медиуми. „Знаете дека од 1 јануари веќе се зголемија платите на културните работници, во системот за здравство, за образование, но помалиот буџетски дефицит од предвидениот сега дава можност и за некои дополнителни зголемувања на приходите - се разбира, во одредени области ", коментира Џанков за БНТ.  Сепак, Министерот не прецизира во кои сектори ќе се покажуваат платите.