Бугарија задоволна од големите казни за палењето на бугарското знаме во Вевчани
Објавено во: Балкан 17 Март, 2021 10:25
Оние кои го запалија бугарското знаме за време на карневалот во Вевчани ќе мора да плаќаат високи казни за своите постапки, коментираат бугарските медиуми, по одлуката на обвинителството да изрече парични санкции.
Обвинителството во Струга достави предлог за санкции за трите лица одговорни за делото вандализам. Според предлозите, еден од обвинетите треба да биде казнет со 7.000 евра, додека другите двајца обвинети треба да бидат казнети со по 5.000 евра.
БГНЕС потсетува дека на еден карневал по повод верскиот празник Свети Василиј во Вевчани, беше запалено бугарското знаме како дел од маските, а инцидентот предизвика остри реакции од Министерството за надворешни работи на Македонија и Бугарија. Бугарија испрати и вербална протестна нота за тоа што се случи.
„Според обвинителството, обвинетите јавно го исмевале знамето на Република Бугарија. Еден од нив го запалил знамето, а другите двајца го подигнале и вееле запаленото знаме“, пишува БГНЕС.
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
