Бугарите денеска повторно протестираат за скапата струја

Добивај вести на Viber

Нови демонстрации се закажани за денеска во Софија и неколку други градови во Бугарија заради исклучително високите цени на електричната енергија на кои се бара и оставка од Владата. Како што информираат грчките медиуми, пред бугарскиот парламент вчера протестираа околу две илјади луѓе. Демонстрациите во Софија прераснаа во насилства кога се случи судир меѓу полицијата и демонстрантите кои фрлаа со камења кон зградата на парламентот и искршија прозорци. Полицијата подоцна соопшти дека се уапсени четворица демонстранти Повеќе од две илјади луѓе демонстрираа и во Варна, а протести се регистрирани и во девет други градови во државата. Бранот протести кој во најсиромашната држава во ЕУ почна пред околу една недела од ден во ден собира се повеќе незадоволни граѓани кои тврдат дека сметките за струја надминале вистински цени за потрошена енергија за околу 120 отсто. Според бугарскиот економски весник Капитал, со минимална плата во Бугарија од 260 лева (околу 130 евра) може да се купи 10 пати помалку струја отколку со минимална плата во Франција. ЕК минатиот месец соопшти дека Бугарија, Велика Британија и Естонија ги пријавила во Европскиот суд за правда бидејќи тие држави во целост не усвоиле правила од ЕУ за либерализација на нивните енергетски паазари. Во Бугарија за пет месеци ќе има избори, а според анкети поддршката за Владата е намалена на 22 отсто, а во иста мерка граѓаните ја поддржуваат и опозициската Социјалистичка партија