Добивај вести на Viber
Околу 60% од гласачите на референдумот ја поддржале изградбата на новата нуклеарна централа во Белене, а 40% се против. Ова го покажуваат првите проценки на "Алфа рисрч", објави БНТ. Слични се и проценките на агенцијата "Галуп", објавени на БТВ. Тие покажуваат дека 60.3% од избирачите гласале "за" нова нуклеарна централа, а 39.7% - против.
Сеуште Централната изборна комисија не ја објави конечната бројка, бидејќи резултатите уште пристигнуваат.
И покрај ваквите резултати референдумот ќе пропадне бидејќи е слаба излезноста, односно е помала отколку на последните парламентарни избори во 2009 година. Вкупно гласаа нешто над 21 проценти од граѓаните со право на глас. За да биде успешен на референдумот требаше да излезат над 60 проценти од бугарските граѓани.