29 Март, 2024
0.0238

Бугарите на протест, Премиерот во оставка, а Чесите уверуваат дека струјата не била скапа

Објавено во: Балкан 20 Февруари, 2013

Добивај вести на Viber

И покрај оставката на бугарскиот премиер Бојко Борисов, силни протести вечерва ја тресат Софија главниот град на Бугарија. Граѓаните кои бараат поевтина струја се упатија кон дирекцијата на ЧЕЗ, чешката компанија која врши дистрибуција на струја во Бугарија. 

Дел од учесници на протестите, како што јави БТА, изјавиле дека не сакаат предвремени избори кои би ги довеле на власт луѓето што управуваа со државата во последните 23 години, туку дека сакаат само пониски цени за струјата. Извикувајќи „Долу партиите“ и „Мафија“ тие се упатија пред зградата на бугарското Собрание, каде се собраа и група поддржувачи на премиерот во оставка Борисов. Помеѓу двете групи се полициските сили кон спечуваат контакти меѓу нив.

Протести против поскапувањето на струјата се одржа и во неколку други бугарски градови, како Пловдив, Бургас, Ќустендил и Димитровград.

Бугарската влада најави одземање на лиценцата на ЧЕЗ, Чешкиот претседател обвинува за политиканство Според написите во бугарските медиуми,  ЧЕЗ ќе продолжи да продава струја на претплатници и да оперира со електродистрибутивна мрежа во Западна Бугарија уште најмалку 2 месеци, повикувајки се на извори од Регулаторната комисија. Доцна во вторникот Регулаторот започна постапка за одземање на лиценците на „ЧЕЗ Дистрибуција Бугарија" и „ЧЕЗ Електрани Бугарија“, но во меѓувреме чешката компанија продолжува со работа, барем до 16 април кога е закажана јавна седница на која ќе бидат разгледани резултатите од спроведената постапка. ЧЕЗ има рок до 8 март да ги отстрани неправилностите кои дадоа можност Регулаторот да пристапи кон постапката за одземање на лиценците на двете компании„ЧЕЗ Дистрибуција“ и „ЧЕЗ Електрани Бугарија“. Инаку денеска се огласи и чешкиот претседател Вацлав Клаус, кој смета дека заканата за одземање на лиценцата за работа на чешката енергетска компанија ЧЕЗ во Бугарија, е резултат на политичка борба. „ЧЕЗ е искористена како инструмент за политичко ривалство, а не како причина“, изјави Клаус кој додаде дека вакви работи се случуваат секогаш кога се подготвува некој исклучителен политички настан, како на пример избори. Тој упати критики кон чешката Влада и дипломатијата според како што вели -млаката реакција. „Таквиот тивок и неопределен пристап на нашето Министерство за надворешни работи ми се чини двојно неприфатлив“, смета шефот на чешката држава кој посакува чешкото политичко раководство да реагира решително, како што претпоставува дека би реагирале други земји-членки на ЕУ доколку Чешка би го направила истото. Во врска со високите сметки за струја на кои се жалат бугарските граѓани, ЧЕЗ дава свое објаснување. Имено граѓаните повеќе се грееле поради екстремно студеното време во декември, наспроти ноември кога било потопло. Исто така, споредено со претходната година, во декември 2012 било постудено. Објаснуваат и дека цената на струјата не е покачена од 1 јули 2012 година, како и дека било забележливо огромно политичко влијание на одлуките на бугарскиот регулаторен орган.

Можеби ќе ве интересира

ЌЕ ОДГОВАРААТ: Уапсените во Босна се шегувале дека знаат каде е Данка Илиќ

ЌЕ ОДГОВАРААТ: Уапсените во Босна се шегувале дека знаат каде е Данка Илиќ

ДЕТАЛИ ЗА АПСЕЊАТА ВО БОСНА: Лицата тврделе дека ја чуваат Данка во подрум и барале откуп?

ДЕТАЛИ ЗА АПСЕЊАТА ВО БОСНА: Лицата тврделе дека ја чуваат Данка во подрум и барале откуп?

НА ТИК ТОК ТВРДЕЛЕ ДЕКА СЕ ПОВРЗАНИ СО ИСЧЕЗНУВАЊЕТО НА ДАНКА ИЛИЌ: Босанската полиција уапси три лица

НА ТИК ТОК ТВРДЕЛЕ ДЕКА СЕ ПОВРЗАНИ СО ИСЧЕЗНУВАЊЕТО НА ДАНКА ИЛИЌ: Босанската полиција уапси три лица

ДЕВОЈЧЕТО ГО НЕМА: Зошто мајката на Данка не може да оди на полиграф?

ДЕВОЈЧЕТО ГО НЕМА: Зошто мајката на Данка не може да оди на полиграф?

СРБИТЕ СЕ ЛУТАТ, АЛБАНИЈА Е ЗАДОВОЛНА: Османи се надева дека Косово во април ќе влезе во Советот на Европа

СРБИТЕ СЕ ЛУТАТ, АЛБАНИЈА Е ЗАДОВОЛНА: Османи се надева дека Косово во април ќе влезе во Советот на Европа

ИСТРАГАТА Е НАСОЧЕНА КОН РОДИТЕЛИТЕ: Исчезнувањето на Данка засега мистерија, блиските ќе треба да одат на полиграф

ИСТРАГАТА Е НАСОЧЕНА КОН РОДИТЕЛИТЕ: Исчезнувањето на Данка засега мистерија, блиските ќе треба да одат на полиграф

ИТНО СЕ ПОВЛЕКУВА ЧОКОЛАДО ОД ПАЗАРОТ ВО ХРВАТСКА! Доколку го имате, веднаш фрлете го

ИТНО СЕ ПОВЛЕКУВА ЧОКОЛАДО ОД ПАЗАРОТ ВО ХРВАТСКА! Доколку го имате, веднаш фрлете го

ОТКРИЕН ВОЗАЧОТ НА „ПУНТОТО“ ЗАБЕЛЕЖАНО ВО СЛИЧНО ВРЕМЕ КОГА ИСЧЕЗНА ДАНКА - истрагата продолжува

ОТКРИЕН ВОЗАЧОТ НА „ПУНТОТО“ ЗАБЕЛЕЖАНО ВО СЛИЧНО ВРЕМЕ КОГА ИСЧЕЗНА ДАНКА - истрагата продолжува

ЖИТЕЛИТЕ НА БЕЛГРАД РЕВОЛТИРАНИ ОД ЦЕНАТА НА ПАРЧЕ ПИЦА? „Ви благодарам. Збогум“ (ФОТО)

ЖИТЕЛИТЕ НА БЕЛГРАД РЕВОЛТИРАНИ ОД ЦЕНАТА НА ПАРЧЕ ПИЦА? „Ви благодарам. Збогум“ (ФОТО)