Бугарските доктори бегаат од земјата

Добивај вести на Viber

Околу 350-380 лекари ја напуштиле Бугарија земјата од почетокот на оваа година. Очекувањата се, до крајот на 2012-та, бријката да стигне до 500. Ова го изјави Министерот за здравство Десислава Атанасова за бугарските медиуми. Меѓу причините за емиграцијата на бугарските лекари се ниските плати, лошите услови за работа и тешката процедура за специјализација. Според министерката Атанасова, оние кои ја напуштат земјата се главно млади лекари, кои се уште не се специјализирани и бараат подобри услови надвор од Бугарија. Според зборовите на претседателот на Бугарскиот лекарски сојуз, д-р Цветан Рајчинов,  бројот на докторите кои одат да работат во странство е ист со оној на ново дипломираните студенти секоја година.  Сепак, појаснува тој, Бугарија не  ја напуштаат само младите доктори, туку и постарите лекари специјалности. Во исто време во многу градови во земјата недостасуваат лекари-специјалисти по анестезиологија, судска медицина, патологија, хирургија, клиничка лабораторија. Една од причините за заминувањето е и тешкото добивање и скапата специјализација, кој многу млади луѓе ги одбива од медицината. Приватна специјализација чини 180 лева ( 90 евра) месечно. Државната пак ги обврзува младите лекари да работат во земјата на место определено од Министерството за здравство, толку години, колку што им траела специјализацијата. „Јасно е дека со почетна плата од 380 евра,  само во Романија е пониска платата од кај нас, нема како да ги задржиме младите доктори во Бугарија. Во една Полска лекарите почнуваат со 620 евра, во Португалија - со 1400 евра, да не зборуваме за неспоредливите со нас Германија и Франција, каде што минималната плата е помеѓу 4000 и 5000 евра ", коментира претседателот на Бугарскиот лекарски сојуз.