ЦЕНИТЕ НА НАФТАТА НА УДАР НА ДВЕ КРИЗИ: Катар и нападот во Лондон направија хаос на берзите
Објавено во: Економија 05 Јуни, 2017
Нафтата поскапе откако сојузот на земји од Персискиот залив, предводен од Саудиска Арабија, ги прекина врските со Катар обвинувајќи го за поддршка на тероризам, фунтата се лизна најниско после терористичкиот напад во Лондон, а берзанските индекси се мешовите бидејќи инвеститорите ги мерат изгледите на глобалниот раст.
Како што јави Блумберг, американската „лесна“ нафта WTI зајакна денес за 1,1 отсто на 48,20 долари за барел по попладневното тргување во Токио во 3:47 часот по локално време, откако во петокот падна за 1,5 проценти.
Златото се задржа на ниво од 1.279,59 долари по унца, после растот на цената од 1,0 отсто во петокот.
Јенот падна утрово за 0,2 отсто на 110,58 долари. Јапонската валута во петокот зајакна за 0,9 проценти спрема доларот, по објавата на податоците за новите работни места во САД.
Фуната ослабна 0,2 проценти на 1,2867 долари, а еврото забележало пад од 0,1 отсто на 1,1267 долари.
Светската банка во најновиот, јунски извештај „Глобални економски перспективи“, предвидела благо јакнење на светскиот економски раст во оваа година на 2,7 отсто со што ќе допринесе на зголемување на производството и трговијата, обнова на довербата, поволни финансирања и стабилизација на цената на сировини.