Добивај вести на Viber
Цените на недвижностите во Црна Гора паѓаат, или барем така покажува статистиката.
Реалноста е дека побарувачката за имот во земјата е силна, градежниот сектор е во многу добра состојба, а освен имотите туристичкиот сектор исто така доживува бум што фаворизира исклучително одредени групи од локалните.
Според Државниот завод за статистика на Црна Гора во вториот квартал на годината просечната цена на станбен имот во земјата се намалила за 6,5% на годишна основа до 1 147 евра за метар квадратен, во однос на претходниот квартал падот е 0,7 отсто.
Сепак се забележува силна побарувачка. Индикаторите за домување исто така видливо се зголемуваат.
Вкупниот број на продадени станови во новите згради се зголемил за 16,6% до 196 станбени единици во вториот квартал на годината во однос на истиот период минатата година. Околу 80 отсто од продажбата во Подгорица, главниот град на земјата, покажуваат уште податоците на црногорската статистика.
На што се должи неусогласеност при податоците? Најверојатно на "паралелни" пазари на имот.
Црна Гора не е особено богата земја, но пак странските инвеститори во недвижности се привлечени од јадранскиот брег. Во земјата особено атрактивни се островчето Св. Стефан и крајбрежјето на Будва, каде што се и најскапите станови во земјата - цените достигнуваат скоро 1 900 евра за метар квадратен во вториот квартал.
Главните купувачи на имот во Црна Гора се Британците и Русите, а познато е и дека земјата привлекува и светски ѕвезди од шоу-бизнисот, поради што се очекува побарувачката за викендички во земјата да продолжи, особено во услови на недостаток на рестрикции пред сопственоста, пониските даноци, поедноставените процедури за купување на имот и ниските трошоци за живот.
К.К.