Добивај вести на Viber
Од понеделник, општина Центар ќе започне да ги отстранува времените објекти на кои веќе им е истечен договорот за поставување. За објектите за кои сопствениците уште имаат дозвола, ќе се почека додека таа не истече, информираат од Центар.
Општина Центар во иднина има намера да постави унифицирани времени објекти, а решението за нивниот изглед се уште се прецизира.
Во моментов, на територија на оваа општина функционираат 60-тина времени објекти, чии сопственици имаат рок до понеделник да ги достават своите дозволи во Општината.
Во спротивно ќе се изврши присилно отстранување објектите, а трошоците ќе бидат наплатени од лицата кои што нема да ја исполнат обврската, информираат од Центар.