Центар се откажа од спомениците, Градот ќе плаќа стотици илјади евра годишно за одржување

Добивај вести на Viber

Одржувањето и чувањето на спомениците од проектот Скопје 2014 кои се наоѓаат на територијата на Општина Центар ќе му бидат дадени на Град Скопје. Вака одлучија советниците на Центар кои едногласно го поддржаа предлогот. Префрлувањето на надлежностите врз градот се правдаше со големите трошоци кои досега беа на товар на општината. Според пресметките, само за чување и одржување на „Воинот на коњ“ и фонтаните во Вардар за една година се потрошени околу 145 илјади евра. Од овие пари, само за електрична енергија дадени се 35.000. 255 ијлади евра пак чинело одржување на сите споменици и фонтани, без плоштадите „Пресвета Богородица“, „Карпошово востание“ и двата нови пешачки мостови, бидејќи тие беа завршени тековната година. Само за двегодишното обезбедување, од касата на Центар се одлеале 60.000 евра, за одржувањето на вечниот пламен во паркот „Жена-борец“  7.000 евра, а две полнења на резерватот во период од шест месеци чинеле 3.500 евра. Ова, всушност, се смета како предлог за воспоставување меѓуопштинска соработка помеѓу Град Скопје и Општина Центар според одредбите на Законот за локална самоуправа, а меѓу себните права и должности да се уредат со договор што ќе го склучат двајцата градоначалници. Како што е наведено во соопштението, дополнителните детали околу преземањето на обврските ќе се уредат со договор меѓу самите градоначалници.