27 Мај, 2024
0.0255

CERMAT – Македонски бренд што годишно произведува над 7 милиони литри сладолед

Објавено во: Економија 25 Мај, 2021

Добивај вести на Viber

Веќе 26 години, CERMAT, македонската семејна приказна што започна во Битола, е приказна што се раскажува на неколку континенти. Почнувајќи како семеен бизнис, денес Cermat e лидер меѓу производителите на сладолед и замрзнати производи во регионот. За илустрација, изминатата година беа произведени над 7 милиони литри сладолед за домашниот и за интернационалниот пазар, а тоа изнесува повеќе од целокупната потрошувачка на национално ниво.

Премиум-квалитет и оригинална рецептура од 1995 година.

Почетоците на Cermat датираат од пред речиси 3 децении, кога е произведен првиот сладолед Cermat според оригинална рецептура. Семејниот, скромен, но истовремено и бизнис со огромен потенцијал започнува во Битола – оттогаш, останатото е историја. Изминатите 26 години, секој производ е произведен со истите љубов, љубопитност и внимание што се потребни за создавање незаборавни вкусови.

Производство според светски стандарди.

Од мала локална компанија, Cermat прерасна во компанија со над 200 вработени, која извезува во 22 европски држави, меѓу кои се и Велика Британија, Швајцарија, Германија, Шведска, Италија, а веќе е започнат и извоз во Африканскиот континент и во Австралија.

„Рецептот за успешен бизнис во голема мера е сличен со рецептот за совршен вкус: постојана посветеност, ентузијазам, инвестирање и имплементирање нови, современи технологии и трендови... Навистина поставуваме стандарди во создавањето производи со врвен квалитет, односно брендови што го наоѓаат вистинското место во срцата на нашите потрошувачи. Приоритетите се јасни, отсекогаш и биле: врвен квалитет и одличен, препознатлив вкус, грижа за нашите вработени и задоволување на барањата и очекувањата на нашите драги потрошувачи“, велат од менаџментот на Cermat.

Портфолио шаренолико како богата семејна трпеза.

Својата вкусна приказна Cermat ја раскажува преку богато портфолио на производи што се навистина неизбежен дел од сечие секојдневие и сечија трпеза. Освен двата најпрепознатливи бренда, сладоледите Metropoli и замрзнатиот зеленчук и овошје Gardenia, Cermat е присутен и со вкусното лиснато тесто Paneti, неодоливите млечни и кондиторски производи Delicia и Carina, како и линијата на замрзната риба Capetano.

Премиум-линијата сладоледи Metropoli, кои секое лето нè водат на незаборавно освежително патување, како и сладоледите во семејно пакување и тортите се направени според уникатен рецепт, кој им е познат само на мајсторите на добриот вкус во Cermat. Производите се пакувани во процес и амбалажа што гарантираат за квалитетот и за свежината.

Поддршка за заедницата, грижа за вработените.

Cermat ја раскажува својата приказна и пошироко, постојано водејќи грижа во текот на годините за своите вработени како движечка сила на целокупното работење, како и за заедницата во која дејствува.

Модерното работење подразбира и инвестиција во вработените и менаџирање на човечкиот капитал. Доказ за ова е постојаниот раст на кадарот, кој во моментов брои над 200 вработени. Компанијата постојано е отворена за нови вработувања, а нуди и можности за професионално усовршување.

Како компанија што постојано се надградува, Cermat е општествено одговорна компанија и постојано дава придонес во општествениот, едукативниот, спортскиот и културниот живот на поединецот, која учествува во голем број хуманитарни настани и спортски активности.

Веќе долги години компанијата Cermat е столб на поддршка за локалната заедница. Особено е фокусирана на поддршка и развој во полето на културата и спортот. Освен континуираните донации, хуманитарните акции и настани, компанијата Cermat е една од клучните поддржувачи на спортот, како што се ракометот, одбојката, женскиот фудбал и планинското трчање.


ПР објава

Можеби ќе ве интересира

ПОВЕЌЕ ПАРИ ЗА РОМАНЦИТЕ: Државата ги зголеми најниските плати за 10 проценти

ПОВЕЌЕ ПАРИ ЗА РОМАНЦИТЕ: Државата ги зголеми најниските плати за 10 проценти

МИНИМАЛНА КОШНИЧКА: За една година трошоците за живот се повисоки за 200 евра

МИНИМАЛНА КОШНИЧКА: За една година трошоците за живот се повисоки за 200 евра

ВОЗАЧИ ПОЧЕКАЈТЕ ДО ПОЛНОЌ - цената на бензините се намалува, еве по колку ќе се продаваат горивата

ВОЗАЧИ ПОЧЕКАЈТЕ ДО ПОЛНОЌ - цената на бензините се намалува, еве по колку ќе се продаваат горивата

ЗАТВОРЕНИ АМЕРИКАНСКИТЕ И БРИТАНСКИТЕ БЕРЗИ: Скокна цената на нафтата, златото и пченицата

ЗАТВОРЕНИ АМЕРИКАНСКИТЕ И БРИТАНСКИТЕ БЕРЗИ: Скокна цената на нафтата, златото и пченицата

ЕДНА ОД НАЈПОПУЛАРНИТЕ АВИОКОМПАНИИ ГО НАМАЛУВА БРОЈОТ НА ЛЕТОВИ: Полетувањата од Белград ќе бидат променети на дури шест линии

ЕДНА ОД НАЈПОПУЛАРНИТЕ АВИОКОМПАНИИ ГО НАМАЛУВА БРОЈОТ НА ЛЕТОВИ: Полетувањата од Белград ќе бидат променети на дури шест линии

ФАКТОР АНАЛИЗА: Фирма која увезува јаглен за РЕК Битола со најголема добивка помеѓу новорегистрираните компании

ФАКТОР АНАЛИЗА: Фирма која увезува јаглен за РЕК Битола со најголема добивка помеѓу новорегистрираните компании

ТЕРМОЦЕНТРАЛИТЕ „ДИШАТ НА ШКРГИ“ – недостига квалитетен јаглен за да работат, но се ближи и нивниот крај

ТЕРМОЦЕНТРАЛИТЕ „ДИШАТ НА ШКРГИ“ – недостига квалитетен јаглен за да работат, но се ближи и нивниот крај

НЕ УСПЕА ОБИДОТ НА ПОМАЛИТЕ АКЦИОНЕРИ ЗА ПОГОЛЕМА ДИВИДЕНДА - „Гранит“ ќе дели по 42 денари за акција, еве кои се причините

НЕ УСПЕА ОБИДОТ НА ПОМАЛИТЕ АКЦИОНЕРИ ЗА ПОГОЛЕМА ДИВИДЕНДА - „Гранит“ ќе дели по 42 денари за акција, еве кои се причините

ПОСЛЕ ДЕВЕТ ГОДИНИ ГО МЕНУВААТ ДИРЕКТОРОТ - Бенедикт Шилдбред застанува на чело на „Теленор“

ПОСЛЕ ДЕВЕТ ГОДИНИ ГО МЕНУВААТ ДИРЕКТОРОТ - Бенедикт Шилдбред застанува на чело на „Теленор“