Чаир: Сумата за крпење на дупките на улиците не е фиксна

Добивај вести на Viber

Вредноста на договорот за крпење на улиците во општина Чаир не е фиксна, велат од општината откако Фактор објави дека Чаир за една година ќе потроши 287.000 евра за да ги крпи дупките на сервисните улици кои се под нејзина надлежност. Додаваат дека таа е само лимит над кој не може да се оди.

„Наведената вредност во Договорот за јавна набавка не е фиксна и во членот 4 од самиот договор јасно е наведено дека истата не смее само да се надмине. Врз основа на ова, Договорниот орган во овој случај Општина Чаир врши евалуација на фактичката состојба со улиците под нејзина надлежност и троши само толку колку што за тоа ќе има потреба во текот на целата година. Количината на извршените работи се констатира во посебен Градежен дневник и Градежна книга, кои освен од Договорниот орган и Носителот на набавката се потпишуваат и од страна на Надзорен орган, велат од општината.

Фактор објави дека скопската фирма „ОСД Кирил“ ДООЕЛ доби договор од општина Чаир за крпење на асфалтни дупки во вкупна вредност од 287.800 евра.Договорот за јавна набавка е склучен во август при што општината го заверила на 13 август, а фирмата за 10 август. Од договорот може да се прочита дека ќе важи една година доколку финансиските средства наменети за крпење на дупките на патиштата не се исцрпат порано од предвидениот период.

Цекиот текст тука.