Чешка со рекордна вработеност во ЕУ, има недостиг од работна сила

Добивај вести на Viber

Во Чешка прв пат од осамостојувањето во 1993 година , работа и приходи имаат пет милиони луѓе во земјата со повеќе од 10 милиони жители.

Истовремено, невработеноста според методи на Евростат токму во Чешка е најмала во цела Европска Унија, објави Чешкиот завод за статистика.

Во март стапката на невработеност меѓу работно продуктивното население паднала на 4,1 одсто, меѓу мажите дури на 3,5 одсто, а вработени биле 5,004 милиони луѓе, што е веќе четврт месец по ред рекордна вработеност.

Уште кон крајот на минатата година вработеноста во Чешка се врати на ниво пред избивање на светската економска криза во 2008 година.

Стапката на невработеност во категорија од 15 до 64 години возраст достигна за целиот прв квартал 71 одсто, а мнозинството - 82 одсто го сочинуваат вработените додека останатото се претприемачи.

Чешката економија има се поголем проблем да најде работници да произведуваат и испорачуваат порачана стока, а Министерството за надворешни работи испрати појачување во конзулатите во Украина како би го поедноставило и забрзало процесот на одобрување визи за Украинците на кои најмногу сметаат чешките претпријатија да ја пополнат празнината од десетици илјади работни места.

Иако проблемот со работници за слободни работни места се заострува од месец во месец, чешките фирми и влада не сметаат дека би можеле да ги пополнат евентуално со бегалците или мигранти од Блискиот исток и Африка, туку дефицитни работници бара во Украина, Виетнам и Монголија.