ЧЕТВРТИОТ БРАН ПОЧНА, НО НАЈСИЛНИОТ УДАР ЌЕ СЛЕДУВА: Епидемиологот Кон тврди дека ќе трае подолго од два месеца

Добивај вести на Viber

Четвртиот бран на корона вирусот кој се очекуваше наесен, според последните податоци, тој практично веќе е започнат и се поставува само прашањето колкав ќе биде интензитетот и колку ќе трае, вели епидемиологот Предраг Кон.

-Тврдењата дека се соочуваме со нов удар на епидемијата на ковид-19 се засноваат на сè што научивме за тоа, времето на инкубација, обемот на вакцинација, што тешко ќе се промени. Јасно можете да видите што нè чека од примерите на Велика Британија и Израел, стапката на репродукција јасно покажува дека бројот на заразени лица се зголемува од недела во недела, тоа ќе се случи и кај нас, тој број ќе се зголеми во однос на нашето однесување, рече д-р Кон во гостувањето на Нова С.

Смета дека четвртиот бран ќе трае подолго од два месеца, нагласувајќи дека колку поопуштено се однесувааат граѓаните, толку побрзо ќе се зголемува бројот на инфицирани.

-Бројот на новоинфицирани ќе расте побрзо. Во тој случај, пикот го очекувам за 6 недели, но вкупно овој бран ќе трае подолго затоа што потребно е време да се намали кривата. Ситуацијата не е воопшто безопасна, иако сите очекуваа дека ќе имаме мирно лето. Сите очекувавме голем удар во септември и октомври, а тој започна веќе во јули. Она што се случува во моментов можеби не е толку лошо. Имено, вирусот не може да има толкава моќ сега во текот на летото, високи температури и сончеви интервали, како на есен. Верувам дека ситуацијата нема да се влоши во септември, бидејќи тоа се случува сега во јули. Но наредниот удар, со максимален број нови инфекции, може да се очекува на крајот на есента, во ноември и декември, изјави, рече епидемиологот Кон.