Четврто издание на Skopje Body Mind and Spirit Festival
Објавено во: Мои пари 19 Ноември, 2015
Фестивалот за здравје и уметност на живеењето Skopje Body Mind and Spirit го доживува своето четврто издание. Овогодинешниот фестивал со својата целодневна програма ќе се одржи на 21-ви ноември 2015 година во City Hall со почеток од 12 часот, а ќе трае сè до 00.00 часот.
Следејќи ја веќе четиригодишната традиција, и оваа година основната идеја на Body Mind and Spirit е здравиот и правилен развој на луѓето, и тоа таргетиран од три аспекти: Тело, Ум и Дух, па така и овогодинешната едукативна програма ги обединува овие теми преку неколку внимателно одбрани предавања.
Во рамки на програмата М-р Билјана Пешева од организацијата Art of Living ќе сподели практични совети и техники за ослободување од секојдневниот стрес преку трансакциска анализа, додека пак Марина Анчевска, која е веќе докажан тренер, бизнис и лајфстај коуч, како и мотиватор и говорник, ќе одржи предавање насловено „Менаџирај се себеси“, преку кое ќе се обиде посетителите да ги извади од зоната на комфортот и ќе ги насочи кон постигнување на посакувана цел. Исто така, во рамки на едукативната програма предвидено е и интересно предавање на тема „Економските придобивки од садење домашен коноп за производство на хартија“ од Филип Достовски, основач и претседател на здружението „Зелена алтернатива“, а инструкторката по Таи Чи Чуан и Чи Кунг Данче Сиљановска ќе се обиде преку масовно вежбање на Таи Чи Чуан да ги доближи овие боречки вештини до присутната публика.
Новитет оваа година е и тоа што фестивалот Skopje Body Mind and Spirit за првпат нуди и музичка програма, која ќе започне од 20.00 часот, а ќе трае сè до затворање на фестивалските врати на полноќ.
Во рамки на музичката програма свој настап ќе имаат музичкиот и културолошки проект на македонскиот византиски хор Хармосини - ХАРМОСИНОПОЛИС, потоа Гоце Стевковски Секстет, еден од најреномираните перкусионисти од земјава со својот состав проверени џез музичари, како и познатиот македонски свинг-џез бенд Летечки Пекинезери.
Влезот за едукативната програма е бесплатен за сите посетители, додека пак за музичката програма ќе се наплаќа влезница од 100 ден. за сите музички концерти.
Повеќе информации на www.bms.mk и
Можеби ќе ве интересира
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
Реномирани музичари, книжевници и актери се дел од програмата на „Видик“ – нов фестивал за литература и општа култура
Н.Д. ОД ТЕТОВО ГО ОСВОИ НАЈПОСАКУВАНИОТ СУПЕР МИЛИОНЕР ВРЕДЕН СКОРО 21 МИЛИОН ДЕНАРИ
Бимилк го прослави светскиот ден на семејството: НТЦ семинар за вработените и стручните лица од образовните институции со д-р Ранко Рајовиќ
„Макпетрол“: Со позитивна енергија во Градски Парк да застанеме на патот на врсничкото насилство
„Алкалоид“ со две признанија за придонес во безбедноста и здравјето на своите вработени
14 македонски студентки по технички науки на првиот глобален состанок на иницијативата Global Engineer Girls на Групацијата Лимак
dm Beauty o’clock: Незаборавен beauty настан кој ги постави стандардите за убавина на едно ново, многу високо ниво!
