ЧОВЕК ОД ДУБРОВНИК ДАВА БЕСПЛАТНО СМЕСТУВАЊЕ ВО СПЛИТ ЦЕЛА ГОДИНА: Има само еден многу едноставен услов

Добивај вести на Viber

На една група на Фејсбук се појави многу необична реклама. Сопственик на недвижнина во текот на целата година бесплатно го нуди својот имот во нова зграда со еден услов, пренесува Јутарњи.хр Важно му некој ги одржува базенот и дворот.

- Бесплатно сместување во замена за одржување на базен и двор за едно лице или пар во објект во предградие на Сплит. Пет месеци сместување во наместена гарсоњера, а остатокот од годината во некој од становите во зградата. Исплатени сите режиски трошоци. Можност за дополнителна заработка во текот на сезоната - стои во огласот.

Сопственикот, кој сакаше да остане анонимен, објасни дека се решил на ваков чекор бидејќи сместувањето го користи само за време на туристичката сезона.

-Тоа е зграда наменета само за туризам, таму не живее никој. Живеам во Дубровник и сакав да понудам опција за бесплатно сместување во замена за некој да го одржува просторот додека ме нема. Имаме куќни помошници кои се грижат за ова, но би сакал некој постојано да живее таму. Порано имаше една госпоѓа која, за жал, почина. Пото дојде мој пријател, но набрзо замина од Хрватска, објаснува сопственикот.

Имено, тој што ќе ја прифати понудата не мора ни да се грижи каде ќе оди во текот на летната сезона, бидејќи и за тоа сопственикот има решение.

- Идејата е, значи, да се најде некој што би живеел таму без никакви дополнителни трошоци, не плаќајќи ништо, дури ни комуналии... Тој би можел да остане цела година, 12 месеци, освен оние четири-пет месеци кога зградата е полна. Тогаш на тој човек или пар би му обезбедил наместено студио-апартман наменето за вработените во објектот. За возврат барам од тој човек да се грижи за објектот, односно да одговара за него, со акцент на одржување на базенот и градината - вели тој.

Веќе има кандидати, но прво треба да направи интервјуа, по што ќе донесе одлука. Би сакал да е некој познат, но вели дека не се плаши да го даде станот на непозната личност, а објаснува и зошто.

- Приказната е всушност многу едноставна. Добро е и за човекот што се вселува, добро е и за мене. Во туризмот сум 20 години и морам да им верувам на луѓето. Пред неколку години наидов и на кражба во стан, а крадецот многу брзо го откривме. Областа има камери, и се разбира, лицето ќе ги даде своите информации, заради превенција. Верувам дека човек кој оди да направи нешто лошо, да краде или, на пример, да го игнорира единствениот услов што го поставив во рекламата, всушност си прави зло. Лесно ќе најдам замена, а тие тешко ќе најдат подобри услови.