Чудни процеси во Македонија, невработеноста паѓа – економијата не расте!?

Добивај вести на Viber

Слаба економска активност, рецесивни перформанси и намалување на невработеноста, ова се атипични процеси кои се случуваат во македонската економија забележа професорот Предраг Трпески за време на денешната промоција на проектот „Потенцијалниот бруто домашен производ и природната стапка на невработеност во Македонија“. Според Трпевски, порастот на БДП треба да се одвива во исто време со намалувањето на невработеноста. „Факт е дека порастот на бруто домашниот производ и намалувањето на невработеноста одат рака под рака, ако има зголемување на економската активност би било очекувано да има намалување на невработеноста“, рече Трпевски. Сепак вели тоја, последниот период во Македонија невработеноста се намалува, но атипична ситуација е тоа што ова се случува во услови на слаба економска активност. Според него, невработеноста паѓа, не поради инвестициите и создавањето нови работни места во приватниот сектор, туку како резултат на административни мерки од Владата и Агенцијата за вработување. „Во 2010 година се направија измени во неколку закони кои ги регулираат социјалните давачки, и оние кои се пријавуваа во Агенцијата за вработувањеза социјалните давачки односно сините картони од 2010 година се водат во ФЗОМ и не егзистираат во Агенцијата за вработување. Тоа е една добра мерка која значи прочистување на списокот на невработени во Македонија“, смета Трпевски, кој нагласи дека доколку дојде до прочистување на тој список во макњедонија тогаш би направиле и пореални и порелевантни испитувања и би можеле да дадеме одредени заклучоци и препораки како да се дизајнираат економските политики во наредниот период. Во однос на задолженоста Трпевски вели дека задолженоста на една земја со низок доход, не треба да биде над 35 отсто, бидејќи делот што останува за трошење е многу помал и државата со остатокот многу посиромашно ќе живее, отколку земјите со висок доход.