Ципрас: Граѓаните на Грција се “ново сиромашни“
Објавено во: Балкан 29 Април, 2013
Лидерот на грчката главна опозициска партија Сириза, Алексис Ципрас ја обвини коалициската Влада за „катастрофалната политика која Грција ја претвори во колонија во долгови, а нејзините граѓани во ’ново сиромашни’“.
- Секогаш не спасувате во последен момент, без оглед на последиците. Социјалната држава ја заменивте со вонредна состојба. Уставот го заменивте со меморандум. Парламентот го претворивте во агенција за одобрување, рече Ципрас во Парламентот.
Грчкиот Парламент синоќа го одобри нацрт-законот кој се однесува на спроведување реформи и рестриктивни мерки за намалување на трошоците, договорени со тројката меѓународни кредитори (Европската унија, Европската централна банка и Меѓународниот монетарен фонд), јави дописникот на МИА од Атина.
Според новиот закон, до крајот на 2014 година ќе бидат отпуштени 15 илјади државни службеници. - Се обидувам да најдам аргумент за да го разберам оптимизмот на премиерот и министерот за финансии. Премиерот не се појави за да ги брани своите избори. Премиерот е отсутен од критичните парламентарни процедури, рече лидерот на Сириза.
Можеби ќе ве интересира
ЕКСПЛОЗИЈА ВО СТАН ВО АТИНА: Едно лице загина, друго е повредено
(ФОТО) НА ПРАВНИОТ ФАКУЛТЕТ ВО БЕЛГРАД: Нозете на една девојка пропаднаа низ подот на читалната
ЕКСПЕРТИТЕ ЗА СОЛАРНА ЕНЕРГИЈА ЌЕ БИДАТ МЕЃУ НАЈБАРАНИТЕ: На Балканот ќе бидат отворени повеќе од 27.000 работни места
МНОГУ ПОПУЛАРЕН САЛОН ЗА МЕБЕЛ ТРАЈНО Е ЗАТВОРЕН: Го презема компанија добро позната во Југоисточна Европа
РАМА Е ПРЕЗАДОВОЛЕН: Албанија е на прво место во Европа по раст на туризмот и втора во светот
БОРЕЛ ЗА СРБИЈА И НЕЈЗИНИТЕ ВРСКИ СО РУСИЈА: Мора да изберете едно или друго
(ВИДЕО) ВО ХАТАЈ: Турција изгради цел град за оние кои останаа без домови во земјотресот
ПО ИНЦИДЕНТОТ ВО ТИРАНА: Грција реагира за нападот врз Белери
