Црвено предупредување за Хрватска
Објавено во: Балкан 20 Септември, 2014
Дожделивото време денеска ја погоди цела Хрватска, поради што е издадено црвено предупредување на метеоаларм.
Најлошо ќе биде во Истра, Кварнер и Далмација, каде се очекуваат повеќе од 70 мм дожд, а со тоа во Далмација ќе дува и олуен југ, јавуваат хрватските медиуми.
Според тамошните податоци, на подрачјето на Истра во последните шест часа паднале големи количини дожд.
Најмногу дожд паднално на подрачјето на Пула, дури 47 литри по квадратен метар и на подрачјето на Ровињ, каде паднало 36 литри дожд по квадратен метар.
Во Пула обилните врнежи предизвикале сериозни проблеми во самиот центар на градот - неколку локации и улици се целосно поплавени.