ЦУНАМИ ВО БЛИЗИНА НА НАЈГОЛЕМАТА НУКЛЕАРНА ЦЕНТРАЛА ВО СВЕТОТ: Јапонија погодена од уште 2 силни земјотреси (ВИДЕО)
Објавено во: Свет 01 Јануари, 2024
Јапонските власти формираа кризен штаб за нуклеарните централи по серијата земјотреси што ја погодија префектурата Ишикава.
Досега не е евидентирана вонредна состојба во нуклеарните постројки.
Закана од цунами беше издадена за целиот западен брег на Јапонија од северниот остров Хокаидо до јужниот дел на Кјушу, а голема закана од цунами беше прогласена во областа на префектурата Ишикава по серијата силни земјотреси.
Look at this damage in Japan. Terrible way to start 2024#japan #earthquake #tsunamipic.twitter.com/Tl4a7YPJCq
— What's app Status Video (@Whatsappstates_) January 1, 2024
Цунамито е забележано во близина на најголемата нуклеарна централа во светот Кашивазаки-Карива, а висината на бранот била околу половина метар.
Серија силни земјотреси се случија во понеделникот попладне по локално време во западна Јапонија. Првите земјотреси со јачина од 5,7 степени се регистрирани во 16 часот и 6 минути по локално време, вториот и најсилен со јачина од 7,6 степени според Рихтеровата скала се случи во 16 часот и 10 минути, а осум минути подоцна е забележан земјотрес со јачина од 6,1 степени.
Серија нови земјотреси ја погодија префектурата Ишикава помалку од еден час по првите силни потреси. Земјотреси со јачина од 4,9 и 5,2 степени се регистрирани во 17 часот и 20 минути и 17 часот и 7 минути.
Momentos del gran terremoto de magnitud 7,6 que ocurrió en #Japón.#deprem #sismo #地震 #earthquake #terremoto #japon #sismo #alerta #alert #japan #earthquake #tsunami https://t.co/44DgLqWwVr pic.twitter.com/8lPBgTwekW
— ALERTAS MUNDIAL (@AlertasMundial) January 1, 2024
Силни потреси се почувствувани во Осака, Кјото и Токио. Запрено е движењето на брзите возови. Повеќе од 32.500 домови се без струја по серијата силни земјотреси што ја погодија јапонската префектура Ишикава.
Terrible situation in #Japan.#tsunami alert..#緊急地震速報 pic.twitter.com/GtFTBdMSON
— Mr Sinha (@MrSinha_) January 1, 2024
ЕВАКУАЦИЈА ВО РУСИЈА
Прогласена е и закана од цунами на Сахалин.
– Делови од западниот брег на Сахалин може да бидат погодени од цунами – соопштија од регионалниот штаб на руското Министерство за вонредни ситуации.
Населението е евакуирано на безбедни места додека бродовите во пристаништата излегуваат на море. Властите ги повикаа жителите на крајбрежниот дел на Татарскиот теснец да се засолнат на височини од најмалку 30-40 метри и да се вратат само кога ќе се укине предупредувањето за цунами.
Сепак, Министерството на крајот ја промени одлуката и се откажа од евакуацијата, бидејќи очекуваната висина на бранот не е поголема од половина метар и не претставува закана за населението.
Фото: Принтскрин/Твитер