Да ги прифатиме тестирањата и анкетирањата, повика ДУИ откако бројот на заразени расте
Објавено во: Македонија, Корона Вирус 04 Јуни, 2020
Граѓани да ги избегнуваат фамилијарните собири и да не ги одбиваат тестирањата за Ковид-19.
Демократската унија за интеграции денеска упати ваков апел до населението.
„Да ги избегнуваме фамилијарните и пријателските собирања да ги прифатиме тестирањата и анкетирањата, максимално да одржуваме хигиена, да не излегуваме од дома без заштитни маски и да држиме физичко растојание. Враќањето во нормалност може да се оствари само преку максималното почитување на мерките, а нашето невнимание и непочитување на мерките може да предизвикува непредвидливи последици кон здравјето, економијата и општеството“, наведуваат од ДУИ.
Деновиве порасна бројката на заразени од Ковид - 19.
Денес има нови 120 позитивни и 2 смртни случаи.
Сепак, дел од граѓаните сметаат дека вирусот не постои.
Од вечерва повторно се враќа полицискиот час.