29 Март, 2024
0.0335

„Да ставаа асфалт со лажичка досега ќе имавме пат“

Објавено во: Македонија 29 Ноември, 2012

Добивај вести на Viber

За многумина патот Радовиш - Струмица беше „пат на смртта“, бидејќи многу често се случуваа собраќајни несреќи со трагични последици. Според статистиката патот Струмица-Радовиш е еден од најнебезбедните во државата, но и мошне ферквентен. Дневно по него поминуваат над три илјади возила.

Ристо Тасев

По точно 60 години жителите од Струмичкиот и Радовишкиот регион ќе го дочекаат денот кога повеќе нема да ги кршат своите возила минувајќи го овој патен правец послан со макадамска коцка, последен таков пат во државата. Изградбата на последната делница во должина од 10 километри меѓу селата Сурдулци и Радичево е при крај и на почетокот на идната година треба да биде предадена во употреба. Изградбата и реконструирањето на овој патен правец, долг 30 километри, почна пред 20 години со асфалтирање на делницата до селото Владевци. Продолжи десет години подоцна, во времето на владата на Љубчо Георгиевски, кога беше изградена делницата од Струмица до селото Василево. Во времето кога премиер беше Владо Бучковски беше изградена делницата од неколку километри  на потегот од излезот на Радовиш до кључката кај селото Воиславци, и сега конечно привршува изградбата на последната делница. -Да ставаа асфалт со лажичка досега ќе немаше ниту една коцка, велат жители на повеќе населени места, реагирајќи на дведецинската долга изградба на патот. За многумина овој пат досега беше „пат на смртта“, бидејќи многу често се случуваа собраќајни несреќи со трагични последици. Според статистиката патот Струмица-Радовиш е еден од најнебезбедните во државата, но и мошне ферквентен. Дневно по него поминуваат над три илјади возила. Месечно се случувале по три сообраќајни незгоди, од кои повеќето со смртни последици. Граѓаните реагирале до надлежните и изнесуваат фрапантни податоци за дефектите кај возилата предизвикани од руинираната патна површина. -Реагирав неколку пати до полицијата. Имаше многу случаи на дефекти. Еден ден буквално секој час доаѓаа возачи во мојот сервис да им ги залепам дупнатите гуми, вели еден сопственик на авто сервис кај селото Радичево. Последната делница од патот Струмица-Радовиш требаше да биде завршена во август лани. Доцнењето е предизвикано поради пробивање на роковите за изградба од поранешните изведувачи. Тоа го истакна и вицепремиерот Зоран Ставрески, кој заедно со министерот за транспорт и врски Миле Јанакиески, дојде да види до каде се дојдени работите, откако по новиот тендер на Агенцијата за патишта, изградбата ја продолжи компанијата „Гранит“ пред еден и пол месец. - Задоволен сум што на терен можев да видам дека се работи со полна пареа. Агенцијата за патишта и изведувачот „Гранит“ дадоа цврсто ветување дека и во следните неколку недели ќе се продолжи со интензивното темпо на изградба и конечно на почетокот на идната година ќе се заврши патот од Струмица до Радовиш. Калдрмата ќе биде минато, а овој убав пат ќе биде иднината за граѓаните од овој регион да се возат побезбедно и да имаат полесен пристап до Штип и Скопје, рече Ставрески. Директорот на Агенцијата за државни патишта, Љупчо Георгиевски информираше дека последната делница од овој пат е долга десет километри, а коловозот е широк 7,70 метри и банкини од двете страни на патот по 1,5 метри. Средствата за изградба се обезбедени од буџетот на РМ во висина од 445 милиони денари. Од завршувањето на изградбата на делницата Струмица - Радовиш најмногу очекуваат земјоделските производители и трговци, бидејќи секоја година најголем дел од над 250-те милиони килограми рано-градинарско производство се транспортира во земјава и во странство токму преку овој патен правец.  

Можеби ќе ве интересира

ФАКТОР НА ДЕНОТ: Уапсено е уште едно лице за убиството на лекарот во Железара

ФАКТОР НА ДЕНОТ: Уапсено е уште едно лице за убиството на лекарот во Железара

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

На Бујар Османи му е предложено да се кандидира за генерален секретар на НАТО?

На Бујар Османи му е предложено да се кандидира за генерален секретар на НАТО?

Тошковски: Приведено уште едно лице за убиството на докторот

Тошковски: Приведено уште едно лице за убиството на докторот

Европската комисија бара од Македонија да врати 2,2 милиони евра потрошени за измами од „Еразмус плус“

Европската комисија бара од Македонија да врати 2,2 милиони евра потрошени за измами од „Еразмус плус“

Андоновски: Не е проблем превработеноста, туку нефункционалноста на администрацијата

Андоновски: Не е проблем превработеноста, туку нефункционалноста на администрацијата

Со украден џип од Италија сакал да се врати во Студеничани

Со украден џип од Италија сакал да се врати во Студеничани

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење