ФАКТОР НА ДЕНОТ: Одбраната на поранешните градоначалници Папазов и Илијев тврди дека немале никаква надлежност и одговорност за „Пулс“

Добивај вести на Viber

ОДБРАНАТА НА ИЛИЈЕВ И ПАПАЗОВ ТВРДИ ДЕКА НЕМАЛЕ НИКАКВА НАДЛЕЖНОСТ ЗА „ПУЛС“

На денешното рочиште за случајот поврзан со пожарот во кочанската дискотека „Пулс“, одбраната на обвинетите градоначалници истакна дека постапката се води врз основа на нецелосна истрага и без обезбедени факти кои директно ги поврзуваат со катастрофата. Бранителите на Николчо Илијев и Љупчо Папазов нагласија дека нивните клиенти постапувале согласно закон и прописи, дека одговорноста за надзор и регулатива е во надлежност на стручните служби, и дека неправедна осуда би претставувала „втора трагедија“. 

Имав две можности на критичнот ден, да ја мобилизирам целата општинска администрација и да се стават во функција на истражните органи, самиот јас да се ставам на располагање на сите надлежни служби и уште една работа, да го одржам најкраткиот колегиум во мојот градоначалнички мандат, со цел овозможување на основни услови за сите потребни активности понатаму. 

КОСТАДИНОВ ГИ ОТФРЛА НАВОДИТЕ ОД КРИВИЧНАТА ПРИЈАВА

Ексградоначалникот на Струмица, Костадин Костадинов преку социјалните мрежи ги отфрла наводите за сторено кривично дело при набавката на автобусите

„Ги отфрлам во целост наводите за сомнение за сторено кривично дело во врска со јавната набавка на електричните автобуси во Струмица. Проектот од стратешко значење за општина Струмица од кој, денес во пракса сите жители на општината имаат јасни економски, еколошки и сообраќајни бенефити, процедурално е инициран од Општината, изгласан на Советот на Општина Струмица, со јасни насоки за формирање Јавно Сообраќајно Претпријатие, спроведување на јавна набавка за автобуси и имплементација на проектот“, вели Костадинов.

Порача и дека стои на располагање на надлежните органи и институциите.

НАЈДЕНО Е ТЕЛОТО НА МИЛЕ ТОДОРОВ ОД НЕГОТИНО

Миле Тодоров од Неготино, кој исчезна во јануари оваа година e најден починат. 

Неговата сестра, Марија, преку социјалните мрежи објави дека Тодоров е починат.

CNN ЈА ПОФАЛИ МАКЕДОНИЈА КАКО ДЕСТИНАЦИЈА

CNN oбјави текст во кој ја пофали Македонија како туристичка дестинација. 

Опкружена со гребени и врвови кои нудат пејзажи што го опфаќаат целиот спектар на четири годишни времиња - од зелени падини до снежни карпи, стои во описот за нашата земја. 

„Порано позната како Македонија по прогласувањето на независноста од Југославија во 1991 година, Северна Македонија е недоволно истражен дел од Балканот чија слоевита историја, од византиската и османлиската до југословенската ера, се комбинира со нејзините сеприсутни планини за да создаде збир на регионални култури со цврста посветеност на традицијата и топло, срдечно гостопримство. Сместена северно од Грција, оваа земја без излез на море е една од најпланинските во светот, а драматичниот терен е централен за нејзиниот идентитет“, се вели во текстот. 

ЧИТАЈТЕ УШТЕ

Амет Имери е назначен за в.д. директор на Бирото за регионален развој, државен орган под Министерството за локална самоуправа. Станува збор за истиот човек кој во 2015 со неговата фирма добил тендер за психолошки тестови за кандидатите за наставници и професори од основното и средното образование.

Работно место каде ќе имаат подобри услови и повисока плата е најчестата причина поради која вработените сакаат да најдат нов ангажман. Статистиката покажува дека секоја година илјадници вработени во Македонија барале друга работа.

Новогодишни пакетчиња за Општина Гевгелија ќе пакува фирма за канцелариски материјали и периодични списанија, а пакетчињата со новогодишни подароци за потребите на Општина Прилеп ќе ги набави фирма чија дејност е информатичка технологија и компјутери. Општина Кичево пак, ќе добие новогодишни декорации од фирма која се занимава со електроинсталатерски работи.