Дали бил во премиерската вила кога се гласаше доверба на Владата? Кастриот Реџепи: Мое право е каде ќе престојувам

Добивај вести на Viber

Дали на денот на гласањето на довербата на Владата, лани, пратеникот на БЕСА Кастриот Реџепи се криел во премиерската вила во Скопје?. Вакво прашање постави потпретседателот на ВМРО-ДПМНЕ Александар Николовски во емисијата Дебати на ТВ Шења. Реџепи во ноември лани не се појави на собраниската седница на која требаше да се гласа за доверба на Владата. Тој за некои медиуми ја демантираше информацијата.

„Дали поранешниот премиер Зоран Заев злоупотребил државни објекти во кои што го чувале Кастриот Реџепи и дали државни објекти, пред сѐ, премиерската вила и премиерските простории се злоупотребени за Кастриот Реџепи да е чуван – праша Николоски, додавајќи дека ако не е така нека го демантираат.

Николоски истакна дека откако ќе се смени власта сѐ ќе излезе на виделина.

Реџепи пак вели дека сѐ што имал да каже, кажал на неговата прес конференција и на јавните настапи. 

„Мое приватно право е каде престојувам во одреден ден според мојата проценка за мојата безбедност и на моето семејство. Најбитно е дека јас како пратеник со мандат го искористив моето уставно право да одлучам според моето убедување и со тој потег се обезбеди стабилно зголемено мнозинство и непречен дијалог со Република Бугарија – изјави Реџепи денеска за „Фокус“.

Тој по гласањето на прес рече дека не присуствувал на седницата отие не сакал да биде единствениот кој ќе гласа против.

„Моите првични размислувања беа да дојдам на седница, да земам збор и да гласам против. Но, проценувајќи ја целата состојба, со оглед на тоа дека немаше да има пратеници од мнозинството, ќе бев единствен пратеник кој ќе требаше да гласа против една еуфорија, која брзо се одвиваше како на филмска лента“, рече Реџепи, образложувајќи ги своите стравувања дека можел да биде мета на вербални и физички напади. Често сме сведоци како до сега доаѓало до тензични ситуации, не сме скандинавска земја за да се прифати еден пратеник да гласа според своите убедувања. 

Обелодени дека на мобилниот телефон добил пораки со закани за живот, но не откри од кого. Пораките се пријавени во надлежните институциии, а имал и притисоци по одлуката да не се појави во Собранието на денот на гласање. Потврди дека за неговата безбедност се грижи обезбедување, но дека тоа му било доделено по проценка на надлежните, а не на негово барање.