ДАЛИ Е ОВА МОЖНО - ДВА ПАТИ ОГРАБИЛ ИСТА СПОРТСКА ОБЛОЖУВАЛНИЦА: Вкупно ѝ одзел над пет и пол илјади евра
Објавено во: Македонија 09 Ноември, 2023
Основното јавно обвинителство Скопје поведе постапка против едно лице за кое постои основано сомнение дека сторило две кривични дела – Разбојништво според член 237 став 1 од Кривичниот законик.
Тој во два наврати ограбил иста спортска обложувалница, одземајќи и вкупно 5.584 евра, и тоа 1.609 евра во првиот наврат, и многу поголема сума, однсно 3.975 евра вториот пат.
„Осомничениот 31-годишник, во два наврати на 1 и на 7 ноември, со употреба на сила и закана кон вработените кои во моментот биле на смена, ограбил иста спортска обложувалница. Првиот пат одзел 98.987 денари и избегал, а вториот пат од сефот одзел 244.470 денари“, се вели во соопштението од Обвинителството.
Бидејќи постои опасност од бегство, можност за влијание врз сведоците/оштетените и веројатност осомничениот да го повтори делото, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомниченото лице.