Дали е во војна Турција?

Добивај вести на Viber

За прв пат „Исламска држава“ отвори оган на турска територија. За прв пат Курдската работничка партија ја нападна „Исламска држава“ преку територијата на Турција. И за прв пат Турција започна воздушни напади против „Исламска држава“, и отвори воздухопловната база во Инджирлик за американските воени авиони, пишува турскиот весник „Хуриет“.

Дали е во војна  Турција всушност, прашува весникот. И нагласува дека пред неколку дена премиерот Ахмет Давутоглу изјавил дека „Турција не е и нема да учествува во никаква војна“.

Анкара се уште не  зазела позицијата за нападите, а се брани поради терористичкиот напад во Суруч. Или како извори од сферата на безбедноста ja нарекуваат ситуацијата - „активна одбрана“.

Соодветно Анкара возвраќа на ударот само ако постои закана. Декларацијата на Давутоглу претпоставува дека овој принцип ќе продолжи да се почитува, нагласува весникот.

Откако Турција обезбеди основа на Инджирлик за САД, Меѓународна асоцијација за воздушен транспорт (IATA) изјави дека двете земји треба да ја воспостават безбедноста на воените авиони. За таа цел ќе се создадат специјални заштитени зони, во кои ќе биде забрането влегувањето на цивили и комерцијални авиони.

Во турскиот печат излезе информација дека предметната зона ќе се наоѓа на границата со Сирија. Извори на весникот во Анкара ги потврдуваат информациите и дополнуваат дека зоната на забранети летови ќе се прошири и на дел од територијата на Сирија.

Врз овие територии ќе се создаде и тампон зона, обезбедена од турски и американски воени групи. Турската армија сепак ќе го чува регионот со авиони и барем засега не се планира влез на копнени сили.

Сепак се јавува прашањето дали САД нема да внимание на курдското прашање поради воздушните напади врз цели на Курдската работничка партија во северен Ирак. Тоа е и најголемиот предизвик за Вашингтон во блиска иднина, но најверојатно САД ќе се обидат да се потпрат со цел продолжување на мировните преговори.

САД исто така не би сакале Курдската работничка партија да ги повлече своите сили од Сирија и да ги насочи против Турција, бидејќи тоа ќе ја ослабне борбата против „Исламска држава“, наведува весникот.

„Washington Post“ забележува дека Турција започнала воздушни напади врз објекти на партијата, властите може да очекуваат одмазднички напади.

Весникот потсетува дека во последниве години Анкара редовно напаѓала цели на Курдската работничка партија во северен Ирак со одобрение на САД, кои го контролираат ирачкиот воздушен простор во тоа време. Последните напади беа во 2011 година.

Списанието „Time“ забележува дека турските војници стоеле настрана на границата со Сирија во текот на две години, додека исламските бунтовници ја зголемувале контролираната територија од нив во пограничните региони. Турскиот парламент гласаше во октомври армијата на земјата да се приклучи на борбата против „Исламска држава“, но оттогаш не се случи нешто посебно, вклучувајќи и за ограничување на пристапот на борците до Сирија преку територијата на земјата. До вчера, кога рано наутро турски „F-16“ нанесе воздушни напади по позиции на организацијата во внатрешноста на Сирија поради смртоносниот напад во Суруч, во која загинаа над 30 лица. Следеа и апсења на стотици осомничени радикални исламисти кои подготвувале напади.

Експертите коментираат дека терористичкиот напад во Суруч е само „активирање“, а главните фактори кои ја натерале Анкара да дејствува, се повеќе опипливо присуство на исламистите во близина на земјата и притисокот на САД. Според аналитичарите, Анкара најверојатно би ја сакала „Исламска држава“ за сосед пред независна курдска држава на границата со Сирија поради стравувањата дека тоа ќе предизвика повторно насилство во земјата.

Турција долго време водеше војна против курдските сепаратисти. Тоа ја усложни ситуацијата во југоисточните и јужните региони на земјата. Сомневањата се дека голем дел од уапсените во последните денови се всушност турски Курди и немаат ништо заедничко со „Исламска држава“.