Дали има потреба од нови рестрикции?
Објавено во: Македонија, Корона Вирус 11 Јуни, 2020
Ниту една јавна здравствена установа во овој момент не е во ризик, изјави денеска министерот на здравство, Венко Филипче.
Вели дека стратегијата за борба со коронавирусот е добра. Рече дека има генерални, општи, но и специфични мерки.
„Интензивно ја следиме ситуацијата, засега нема потреба од дополнителни мерки, но и понатаму ќе анализираме“, вели Филипче.
Се надева дека нема да има потреба од построги мерки, а исто така е со став дека не треба да се продолжи вонредната состојба.
Министерот го осуди фактот дека и покрај забраната, луѓето организираат семејни собири.
„Не може да се прави свадба кога е тоа забрането, и згора на тоа да не се соработува, да не се кажуваат точни информации“, рече Филипче.