Дали најголемата светска економија излезе од ледената прегратка на зимата?

Добивај вести на Viber

Поднесените првични молби за помош при невработеност во САД минатата недела се намалија за повеќе од очекуваното, покажуваат неделните податоци на Министерството за труд. Во неделата што заврши на 3 мај, бројот на американските граѓани кои поднеле за првпат апликација за добивање на помош при невработеност паднала до 319 000. За споредба - во минатата недела нивниот број беше ревидиран до 345 000, а пазарните учесници очекуваа дека 325 000 луѓе ќе бараат помош од владата. Истовремено тековните апликации за помош за невработеност исто опаднаа - до 2.67 милиони во текот на неделата што заврши на 26 април, во споредба со претходните ревидирани во насока надолу од 2,76 милиони и пазарни проценки за 2,76 милиони. Четири неделната опаѓачка статистика на средно ниво е 324 750, што е раст од 4 500 од ревидираната минатата недела, откриваат од американското Министерство за труд. Просечната за минатата недела беше ревидирана нагоре со 250 од 320 000 до 320 250. Последните вести за пазарот на труд доаѓаат по објавената, минатата недела, информација за работните места надвор од земјоделскиот сектор за април. Американската економија додаде нови 288 илјади работни позиции минатиот месец, открија податоците на Бирото за труд статистика. Резултатите се покажаа над очекувањата на аналитичарите и посочија дека најголемата економија во светот е излезена од ледената прегратка на зимата. Во април стапката на невработеност во САД се спушти до 6,3%, иако во текот на месецот нивото на вработеноста исто се спушти за 0,4 процентни поени до 62,8%. Пријавените нивоа се доближија до декемвриските и го потврдија она за што многумина аналитичари зборуваат во последните месеци - но најголемиот пад на невработеноста во САД се должи повеќе на контракцијата на работна сила отколку на подобрувањето на пазарот на трудот. K.K.