Добивај вести на Viber
Со измените на законот, како што беше објавено по состанокот на црногорската влада, се предлага воведувањето на привремена обврска за плаќање данок на личен доход со стапка од 12 отсто, наместо сегашните девет отсто, на сите бруто приходи над 400 евра.
Според проценките, со оваа мерка ќе се зголемат буџетските приходи за околу 11 милиони евра, а ќе се намалат трошоците за околу пет милиони евра годишно. Законот треба да се применува до крајот на оваа година, соопштија од Владата на Црна Гора. Владата исто така ја обврза државната агенција и комисиите, целиот вишок на приходи кои тие ги остваруваат веднаш да се уплаќаат во буџетот на Црна Гора, поради намалување на негативните ефекти од кризата.
Почнувајќи од принципот на рамноправна распределба на товарот на кризата на сите нивоа на општеството, со оглед на бројот на регулаторните тела и износот на нивните приходи, владата проценува дека на овој начин ќе се добијат значителни средства за балансирање на буџетот на Црна Гора, стои во соопштението.