Дарко Панчев именуван во комисија на Пендаровски
Објавено во: Македонија 01 Август, 2019
Фото: Инстаграм
Во Кабинетот на македонскиот претседател Стево Пендаровски денеска се екипираше комисијата за доделување одличија и признанија. За претседател на Комисијата за одликувања и признанија е именуван Марјан Ѓуровски, а за нејзини членови именувани се академик Луан Старова, Дарко Панчев, Сабина Ајрула, Билјана Пеева-Ѓуриќ, Весна Ѓиновска Илкова и Мирослав Стојановски.
Откако им посака успешна работа, Пендаровски рече дека при носењето на одлуката за составот на комисијата се водел од потребата во неа да членуваат поединци кои низ животниот пат оставиле своја трага.
Комисијата според надлежностите до шефот на државата ќе дава предлози за доделување на одликувања и признанија на поединци и организации кои дале придонес за Македонија.