Се работи на нови решенија во спорот со Бугарија
Објавено во: Македонија 08 Октомври, 2024
Министерот за европски прашања Орхан Муртезани денеска порача дека Владата е во фаза на интерни разговори за изнаоѓање нови решенија во врска со евроинтеграциите на земјава и надминување на спорот со Бугарија.
Во потенцијалните решенија, според кажувањата на Муртезани, нема да бидат исклучени уставните измени, туку во фокус ќе бидат барања со кои земјава ќе се осигури дека процесот нема да биде предмет на дополнителни блокади.
„Досега немаме финален предлог, меѓутоа и да имаме, нема да брзаме да го објавиме пред да бидат завршени изборите во соседна Бугарија бидејќи сметаме дека, и да имаме најдобар можен план, периодов е неизвесно дали ќе биде прифатен од другата страна. Затоа работиме интензивно на изнаоѓање на решенија и мислам дека ова е правилниот пристап за понатаму“,изјави Муртезани на денешната прес-конференција.
Прашан дали Брисел е изречно против идејата за уставни измени со одложено дејство, како што бараат властите во земјава, Муртезани рече дека таквиот предлог не се гледа со голем оптимизам од страна на Европската Унија, но не се ни отфрла целосно. Во оваа смисла министерот повтори дека треба да се настојува на решенија коишто ќе бидат прифатливи од стратегиските партнери, што, како што рече, зависи од нашата волја за изнаоѓање решение.
„Уставните измени се услов не од Бугарија, туку од 27 земји членки на ЕУ. Тоа е јасно наведено и во заклучоците на Советот. Се обидуваме да го заштитиме процесот после уставните измени. И премиерот во неколку наврати и Владата спомнаа дека не е спорно носењето на уставните измени, меѓутоа сакаме да бидеме сигурни дека процесот понатаму нема да биде повторно предмет на дополнителни блокади“,додаде Муртезани.
Прашан што ќе се случи доколку уставните измени не бидат усвоени до декември годинава, како што бараше коалицијата „Вреди“ од чии редови доаѓа Муртезани, тој вели:
„Дадовме рок од шест месеци како коалиција во кои Владата мора да понуди решение за надминување на кризата. Уште сме во четвртиот месец. Кога ќе стигнеме при крајот ќе видиме какви се можностите и што ќе направиме понатаму.“
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
СЕ ОГЛАСИЈА ОД ВОДОВОД СО ГОЛЕМО СООПШТЕНИЕ: Полнењето е почнатои и се очекува притисокот да се стабилизира за неколку часа
„ЗА НАС ПОМЛАДИТЕ БЕШЕ КАКО ТАТКО, ПОЧИВАЈ ВО МИР ДРАГ ПРОФЕСОРЕ“ - почина професорот Љупчо Арнаудовски
ТИЕ ШТО ИМААТ ВОДА ИМААТ, А ТИЕ ШТО НЕМААТ ДА НЕ БРЗААТ КОГА ЌЕ ДОЈДЕ - еве какви препораки даде Институтот за јавно здравје
ПРОФЕСОРОТ КОЖУХАРОВ Е 64 ГОДИШНИОТ СКОПЈАНЕЦ КОЈ БЕШЕ ПРОНАЈДЕН ПОЧИНАТ ВО АВТОМОБИЛ ВО РЕКА - немало видливи траги на насилство
ОБДУКЦИСКИОТ НАОД УШТЕ НЕ Е ГОТОВ, А СЕ БАРААТ И ДОДАТНИ ЛАБОРАТОРИСКИ АНАЛИЗИ - Обвинителството ја испитува смртта на скопјанецот кој со колата беше пронајден во река
„ТОЈ Е ВО АЛБАНИЈА, А НЕ НА КОСОВО, НО НЕ Е НИ ВАЖНО, СО БЕГСТВОТО ЈА ДОКАЖА ВИНАТА“ - Меџити со информации за Груби
ЗАСНЕЖИЈА ПОВИСОКИТЕ МЕСТА НА СКОЈПЕ, СНЕГ ЌЕ ИМА И НА ПЛАНИНИТЕ - ова е временската прогноза
ДАЛИ ПРИЛЕПСКИОТ ГРАДОНАЧАЛНИК СЕ ПОДНОВИ СО СЛУЖБЕНА КОЛА ОД 65 ИЛЈАДИ ЕВРА - прилепските млади социјалдемократи обвинуваат
ОРЦЕ ЃОРЃИЕВСКИ ГИ ПРАША ГРАЃАНИТЕ КАКО ДА СЕ ТРОШАТ ПАРИТЕ НА КИСЕЛА ВОДА - „фрчеа“ идеи, еве што тие му предложија
