Српскиот нарко бос Дарко Шариќ е во бегство, испрал 1,7 милиони евра

Добивај вести на Viber

Oбвинителството за организиран криминал и српската полиција изминатите три години водат акција за разоткривање на перење пари во Европа. Како што објави Блиц, се работи за импознатна цифра од 1,7 милиони евра кои како што постојат сомневања, Дарко Шариќ, нарко-бос во бегство ги вложил во српската економија.

Шариќ како што се сомнева полицијата парите ги испрал давајќи кредити кои во Србија ги зеле околу 600 фирми, пишува Блиц.

Претходно српски медиуми јавувија дека Шариќ создал „машинерија“ за перење пари. Основани биле најмалку 50 фирми чија цел била во легални текови да уфрлат пари заработени од трговија со кокаин. Досегашните податоци укажуваат дека се испрани најмалку четири милијарди евра, но сомненијата се дека таа цифра е двојно повисока. Шариќ станал сопственик на фирми во Војводина, хотели, угостителски објекти, дискотеки, стотина станови.

Вистинските последици за таквото работење особено кога станува збор за приватизации, се уште не се согледани до крај. Списокот на фирми преку кои работел тој во Србија не е конечен бидејќи десетина негови соработници биле ангажирани за формирање фирми за перење пари, а секој од нив од исти причини направил своја мрежа на фирми.

Истрагата засега утврдила дека Шариќ основал три фирми во американскиот град Делавер и тие како основачи се појавуваат во повеќе од 30 фирми, неколку клубови, хотели па дури и градинки. Девет фирми се основани во Црна Гора, две во Ровињ, Хрватска, една во Прага и 25 во Србија.