ДЕЦА ЈАДЕЛЕ МАФИНИ НА РОДЕНДЕН ВО БЕЛГРАД - ЗАВРШИЛЕ ВО БОЛНИЦА: Снимките покажале жица во стомакот

Добивај вести на Viber

Српските медиуми јавуваат дека вознемирени родители на тригодишно дете кое, како што пренесуваат, јадело мафин со украс во форма на мечка, завршило во болница каде било утврдено дека во стомакот има метална жица. 

Како што се посочува, мала метална жица била ставена во колачот со цел да ги држи  „ушите на мечето“.

И на социјалната мрежа Инстаграм веќе се споделува оваа приказна заедно со фотографии од колачите, како и детален опис како се откриени жиците. 

- Откако мафините ги проба и кумот на славеникот, кој исто така јадеше со задоволство од ова колаче, беше утврдено дека во нив има метална жица. Поради тоа дел од гостите чии деца јадеа мафини завршија во Универзитетската детска клиника Тиршова. Родителите, како што велат лекарите, треба да чекаат туѓиот предмет да помине низ организмот на децата и потоа да го исфрлат низ столицата со надеж дека нема да додјде до компликации - се наведува во објавата на Инастаграм. 

Притоа се апелира целата прехранбена индустрија, особено она која се занимава со производство на колачи, тартови и други деликатеси да не вметнуваат метални жици и чепкалки во нивните производи, само за да изгледаат убаво, бидејќи децата се во голема опасност да ги проголтаат и да им го загрозат животот.

На социјалните мрежи кружат објави на Инстаграм од неколку родители кои ја предупредуваат јавноста за металните жици и чепкалки кои биле во украсите на мафините, кои биле дел од слатката трпеза на роденденската забава на која присуствувале.

За жал, за едно од децата се знае дека ја проголтало жицата заедно со мафинот и поради тоа итно било однесени во Универзитетската детска клиника во Тиршов.

Мајката на тригодишното момче кое проголта метална жица, за Нова.рс вели дека е многу вознемирена поради се што се случило бидејќи не ѝ паднало на памет, како ниту на другите родители, дека може да има било што освен во мафини за јадење, особено не метална жица.

„Не е во интерес на нашите родители да ја уништат таа слаткарница што му подготвуваше слатка трпеза на роденденското момче, бидејќи цврсто веруваме дека не е единствената што се занимава со тоа. Во наш интерес е да ја предупредиме целата индустрија да не го прави тоа бидејќи децата се во потенцијална опасност да ги проголтаат овие туѓи тела, како што направија токму сега. Најлошото е што не можеме ништо друго да направиме освен да чекаме детето да ја исфрли жицата и да се надеваме дека нема да има никакви компликации“, изјави мајката.

Кумот ја забележал жицата во лакот на фигурината

Според еден од соговорниците на медиумите во соседството, во саботата отишле на првата роденденска забава на детето на нивните пријатели, надвор од Белград. Се било во совршен ред, додека кумот не отишол да се заслади со производи од слатката трпеза и во таа прилика наишол на парче метална жица.

„Ние не сме нелуѓе кои не се грижеле за своите деца, но кој би помислил дека метална жица ќе има во мафин што може да се јаде? Значи, не зборувам за фигурините за фондан што се симнуваат од тортата, туку за мафин. Ова се случи сосема случајно, бидејќи нашиот кум зеде да јаде, а потоа ја најде жицата. Потоа го проверивме секое мече и во секое имаше по две жици. Да не го направеше тоа, немаше ни да знаеме дека некои деца ја проголтале жицата“, раскажува таа.

Тој додава дека на слатката трпеза покрај мафини имало и крофни, како и популарни лепчиња кои исто така го привлекуваат вниманието на децата.

„Тоа е првото нешто што децата го грабнуваат, затоа не можевме ни да претпоставиме дека во нив ќе има туѓо тело“, забележува нашиот соговорник.

Кога сфатиле дека едно момче проголтало парче жица, се јавиле во медицинските центри, од каде им рекле дека детето мора да оди на снимање.

„Набрзина заминавме за Белград. Сите мислевме дека нема шанси децата да ја проголтаат жицата, сепак ќе ја почувствуваат. Секогаш плукаат кога нешто не им одговара. Меѓутоа, кога стигнавме во болница, на рендгенот се појави жица, па и нас фати паника. Не знаевме кое дете кој дел од колачот јаде. Ни рекоа да почекаме да помине ноќта, бидејќи храната од желудникот веќе влегла во цревата и да почекаме да кака детето. Утрото отидовме и на снимање. Ни рекоа да почекаме до петок, кога се надеваме дека предметот треба да излезе низ столчицата“, објаснува соговорничката.

Таа истакнува дека ја контактирале жени кои се занимаваат со производство на слатки задоволства и дека и објасниле дека има замена за жици и чепкалки, а тоа е лепак за храна.

Слаткарница: На кутијата има забелешка дека има делови што не се јадат

Откако исплашените родители објавија за жиците во мафините, слаткарницата „Пастел Свитс“ која ја организираше слатката трпеза на роденденот, во порака напиша дека на секоја кутија има белешки дека може да има делови што не се јадат во фигурините и декорација на тортата.

„Многу ни е жал што се случи сето ова и го разбираме вашиот гнев. На секоја кутија има белешки дека може да има делови што не се јадат во фигурините и декорацијата на тортата, бидејќи само така може да се направи фигурата и притоа да изгледа така. Во нашите колачи нема делови што не се јадат, туку само во декорацијата делови што не се јадат (чепкалки, жици, стиропор...) мора да бидат за да се спојат фигурите. Се надеваме дека сите деца се добро, ако има нешто што би можеле да направиме, стоиме на располагање“, пишува во објавата на нивната веб страна.