ДЕФИНИТИВНО: Бугарија ги прекина работите на Јужен тек!
Објавено во: Балкан 08 Јуни, 2014 19:09
Бугарија ги прекина работите на проектот за гасоводот Јужен тек, објави бугарскиот премиер Пламен Орешарски, по средбата со група американски сенатори денеска.
„Го примивме барањето на Европската комисија, по што донесов одлука за суспендирање на работите. Понатамошните активности ќе бидат појасни по дополнителните консултации со Брисел“, изјави Орешарски.
ЕУ во средата побара од Софија да ги прекине работите за изградба на гасоводот. Претставничката на Европската комисија за енергетика Сабина Бергер тогаш наведе две правни причини за ваков чекор. Првата е барањето на Европската комисија да се усогласат билатералните владини спогодби за изградба на Јужен тек со нормите од Третиот енергетски пакет на ЕУ.
Освен ова, Брисел ја осомничи Бугарија за прекршување на европските правила при рспишувањето на тендерот за изградба на инфраструктурни проекти затоа што Софија во изградбата на гасоводот предност и привилегии им дала на руските и бугарските компании.
Русија уште не добила никакво официјално известување од Бугарија дека се прекинати работите на Јужен тек, соопшти веднаш руското Министерство за енергетика.
Можеби ќе ве интересира
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
