Добивај вести на Viber
Речиси 30% од канцеларискиот деловен простор во главниот град на Бугарија зјае празен. Официјалните податоци на агенцијата Фортон, покажуваат дека во третиот квартал од годинава 18% од зградите од А класа биле неиздадени.
Интересот на потенцијалните изнајмувачи е концентриран главно на првокласните згради. Вкупниот канцелариски простор во септември годинава изнесувал 1.576.500 метри квадратни, а нови 19.100 метри квадратни биле завршени во последните три месеци. Новоизградениот канцеларсики простор од јули до крајот на септември е за 20% помал во однос на истиот период лани, но на годишно ниво се забележува раст од 6%. До крајот на годината се очекува завршување на уште 51.000 метри квадратни канцелариски простор во Софија.
Во Бугарија на секои 1.000 жители има во просек по 81 метар квадратен деловен простор, со што Бугарија е рангирана на 31 место меѓу 35 европски држави.