Демири од Левица денеска на суд за демолирање на канцеларијата на Иванов

Добивај вести на Viber

Во Основен Суд 1 во Скопје денеска напладне е закажано рочиште за судењето на членот на Левица,  Мариглен Демири за учество во протестите на „Шарената револуција“. 

Демири е кандидат за листата на пратеници на Левица. Од партијата велат дека ова е притисокот на власта кон членовите на Левица. 

„Левица и нејзиното раководство како и досега нема да потклекне пред овие подмолни притисоци од страна на репресивните апарати на државата. Секој наш член ќе биде бранет како симбол на нашата кауза за слободно и праведно општество. Во оваа наша мисија ги повикуваме сите граѓани и другари да го кренат својот глас и да ја поддржат Левица во борбата со неправедните судови и судии кои се само еден од приврзоците на оваа криминална власт“ - стои во соопштението од Левица. 

Демири се товари за учество на протестите  годинава како еден од демонстрантите кои ја демолирале Народната канцеларија на претседателот на државата, Ѓорѓе Иванов.

По барање на Државното правобранителство за дополнително разгледување на доказите на одбраната и подготвување за да се произнесе за штетата, судската расправа  на 25 септември беше одложена за денеска.

Левица денеска ќе одржи и прес-конференција.