Демонстрантите со каранафили им возвраија на гумените куршуми на полицајците во Турција
Објавено во: Балкан 23 Јуни, 2013
Со водени топови, солзавец, гумени куршуми Турската полиција синоќа ги растера неколкуте илјади демонстранти, кои се собраа на нови протести на истанбулскиот плоштад Таксим.
Додека полицајците во линија се движеа кон учесниците на протестите, демонстрантите почнаа да фрлаат црвени каранфили кон нив и скандираа „Полицијо, не го предавај својот народ“.
Синоќешниот протестен собир беше организран една недела по полициската акција во која сите демонстранти беа отстранети од паркот Гези во Таксим.
Пред да започне полициската акција протестот траеше два часа, за време на кои демонстрантите извкуваа антивладини пароли и бараа оставка од премиерот Реџеп Таип Ердоган.
Протести синоќа се одржаа и во турскиот главен град Анкара.
Неколку часа пред новите протести во Истанбул и Анкара, премиерот Ердоган на митинг на негови приврзаници во градот Самсун обвини дека учесниците на антивладините собири се жртви на подмолен план.
-Кој доби со овие протести што траат три недели? Доби лобито на лихварите, добија непријателите на Турција. А загуби, иако малку, економијата и загубија туристите. Во Турција има слобода како што немало никогаш досега, нагласи Ердоган.
Тој ги обвини учесниците на протестите дека започнале како војници на основачот на модерна Турција, Мустафа Кемал Ататурк, а завршиле како војници на лобито на лихварите.
Претходно властите во Истанбул и Анкара ги забранија масовните собири и демонстрации, со мотив за спречување на евентуални судири меѓу демонстрантите и полицијата.
Токму така се роди алтернативната молчалива форма на протест против власта, која нема како да биде санкционирана.
Илјадници демонстранти од Истанбул, Анкара, Измир, Анталија, Ескишехир и многу други градови во Турција им се приклучија на „стоечките протести“ против Владата.
Тие протестираат против авторитарната влада на премиерот Ердоган, како и против употребата на сила од полицијата во текот на минатите денови. Акцијата на нем протест ја почна еден турски кореограф, кој со часови стоеше немо и неподвижно на плоштадот Таксим, а кого медиумите го нарекоа „Човекот што стои“.
Демонстрантите стојат и го насочуваат својот поглед кон делот на Културниот центар, на кој стои портрет на основачот на Турција, Кемал Ататурк.
Можеби ќе ве интересира
„ДА НЕ ЗБОРУВА ДЕКА Е ТОЈ МРТОВ ЧОВЕК, БИДЕЈЌИ СИТЕ ТИЕ СЕ ПРИЛИЧНО ЖИВИ“ - адвокатот на семејствата огорчен од таткото на Коста
ХРВАТСКА: Убиена е жена, уапсен е член на семејството
ТРАГЕДИЈА ВО АЛБАНИЈА: Поради семејно насилство мајка со трите деца се фрлила вo река
ДИЈАНА ЃОКОВИЌ, МАЈКАТА НА НОВАК ЈА ПРОМЕНИЛА ВЕРАTA: Родителите не ме учеа да верувам во Бога
СЕ АКТИВИРАШЕ И АНГЕЛОВ, ОТКАКО СРБИТЕ ПРЕДУПРЕДИЈА ДЕКА НЕКОЈ ИМ КРШИ ШОФЕРШАЈБНИ ВО МАКЕДОНИЈА: „Пратете попорецизна локација“
НИКАНА.ГР: ПРЕДУПРЕДУВАЊЕ ЗА СИТЕ ШТО ПАТУВААТ ОД ГРЦИЈА: „Некој врзал камен за мост во Македонија, возачите ги кршат шофершајбните“
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
ЛОНДОН, АМСТЕРДАМ И ДУБАИ СЕ „МЕКА“ ЗА ГОСТИ БАЈТЕРТЕ! Во потрага по леб, овие четири земји се најпривлечни за нашите соседи од Србија
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
