Добивај вести на Viber
Во Босна и Херцеговина денеска е прогласен Ден на жалост заради големата рударска несреќа во рудникот за јаглен Распоточје кај Зеница, во која животот го загубија пет лица.
Телото на Фејза Исаковиќ, последниот од петте рудари кои загинаа во несреќата предизвикана од т.н. „горски удар“, беше извлечено дури доцна синоќа.
Неговото тело беше на најнепристапна локација и екипите го извлекоа во многу тешки услови.
Федерацијата Босна и Херцеговина за семејствата на загинатите рудари издвои парична помош од 25.000 евра. По горскиот удар во јамите во Распоточје останаа заробени 34 рудари, од кои 29 беа извлечени со полесни повреди, а петмина загинаа.
Според првичните информации, горскиот удар бил предизвикан од земјотрес со интензитет од 3,5 степени според Рихтеровата скала. Целата спасувачка операција за извлекување на рударите и жртвите траеше 78 часа.