Деребан од Советот на Општина Струга: Се зачудивме кога ги видовме знаците за забрана на костими за капење
Објавено во: Македонија 15 Јули, 2023
Градскиот советник од ВМРО-ДПМНЕ, Ален Деребан, во вестите на ТВ24 рече дека членовите на Советот на Општина Струга се зачудиле кога низ Струга ги виделе поставените знаци за забрана за шетање по костими за капење низ центарот на градот.
Деребан вели дека Советот и советниците не биле информирани за одлуката на градоначалникот Рамиз Мерко.
- Не бевме запознаени и нема надлежност за поставување знаци, затоа Советот нема донесена одлука, ниту е предвидена таква во програма изгласана од Советот. Тие знаци ги видовме во градот откако беа поставени. Ние не сме конзервативен, туку туристички град, реагира Деребан.
Засега мислењето е поделено во градот за ваквиот потег на Мерко.