ДЕВЕТ ГОДИНИ БИЛ ФИНАНСОВ ДИРЕКТОР - „Књаз Милош“ има нов прв човек, еве на што ќе се фокусира Станковиќ

Добивај вести на Viber

„Продолжувајќи го наследството на Милош Стојисављевиќ, на местото генерален директор на компанијата „Књаз Милош и Матони“ во Западен Балкан доаѓа Марко Станковиќ, кој ја презема новата улога од претходната позиција на финансиски директор“, се вели во соопштението на компанијата „Књаз Милош“, која го назначи новиот директор.

Заедно со остатокот од лидерскиот тим, Станковиќ во претходните девет години се насочи кон стратешката трансформација на компанијата Књаз Милош во еден од водечките производители на безалкохолни пијалоци во Западен Балкан. Надвор од традиционалните одговорности на финансиски директор, тој ја насочи иновативната агенда на компанијата во сите области на бизнисот - од нови производи, стратешки чекори до заокружување на портфолиото, интеграција на светски брендови, проширување на нови пазари и севкупно инвентивно присуство на пазарот, се наведува натаму во соопштението.

„Ќе ја искористиме нашата локална сила и интелигенција за да продолжиме да ја пишуваме историјата на Књаз Милош како лидер во иновациите и големите проекти како што се проширувањето на нашата фабрика, натамошното зајакнување на пазарните позиции во регионот на Западен Балкан и визијата на Пепси од Аранѓеловац, од срцето на Шумадија, за европските пазари“, изјави Марко Станковиќ во оваа прилика.

Станковиќ кариерата ја изгради во компаниите Ернст и Јанг и ПепсиКо, а дипломирал на Економскиот факултет во Белград.

Фото: Linkedin