ДЕВОЈЧЕ ОД 7 ГОДИНИ НА РЕСПИРАТОР: Уште едно дете во Србија се бори со тешка форма на ковид, останатите три се на работ на животот

Добивај вести на Viber

Седумгодишно девојче е поврзано со апарат за дишење во Институтот за мајка и дете „Д-р Вукан Чупиќ“ поради компликации од ковид-19, потврдил за „Новости рс.“ професор Предраг Миниќ, пулмолог во оваа институција и член на Кризниот штаб на Владата на Србија.

Сега има вкупно четири деца на апарати за дишење во оваа институција.

- Девојчето кое беше пренесено од КБЦ „Д-р Драгиша Мишовиќ“ има нефролошка болест, а таа е единственото од четирите интубирани деца со коморбидитет, односно со пропратно хронично заболување, вели д-р Миниќ. Сепак, според сите параметри, како што појаснува д-р Миниќ, таа е во нешто подобра состојба од шестмесечното бебе и двајцата тинејџери за кои долго време се борат лекарите.

Првите три деца во Србија кои се поврзани со респиратори, како што вели проф. Миниќ, цело време на работ на животот.

- Се бориме дење и ноќе, ова е врвна медицина во наши услови, со сета неопходна најсовремена опрема за следење на вакви случаи, но напредокот, за жал, речиси и да не постои - вели проф. Миниќ.

- Овие деца се на респиратори речиси трета недела.

- Има некои подобрувања, во параметрите што се следат, но тоа е подобрување, за жал, само во бројките, не и во реалното здравје на тие деца.