Дигитални номади во Сплит: Колку навистина чини живеењето покрај Јадранското Море?
Објавено во: Економија, Балкан 15 Август, 2025 20:09
Иако Сплит во последниве години сè повеќе привлекува дигитални номади од целиот свет, цените за изнајмување во јадранскиот град продолжуваат да ги изненадуваат и странците и локалното население. Двојка од Соединетите Американски Држави(САД), познат на социјалните мрежи, го сподели своето искуство и откри колку платиле за станот во кој моментално живеат.
Тикотокерка, која има профил наречен „caracelestewest“, и нејзиниот сопруг решиле привремено да се преселат во Сплит и избрале стан изнајмен преку платформата Airbnb како нов дом. За еден месец престој, тие трошат 1.450 долари (околу 1.330 евра).
Сместувањето им нуди целосно опремена кујна, пространа дневна соба, две спални соби и бања, но она што најмногу ги освои е приватната градина со поглед. Станот се наоѓа во мирен дел од градот, на околу 20 минути пешачење од продавници и ресторани, додека до центарот на Сплит се стигнува за околу 15 минути со автомобил.
Тиктокерката во видеото нагласи дека барале мирно место кое ќе им даде чувство на дом за време на престојот во Хрватска. Таа додаде дека се среќни што пронашле простор што одговара на нивните потреби, иако се свесни дека цената е повисока бидејќи станува збор за изнајмување преку популарна платформа, што вклучува провизија, како и даноци и други такси што домаќините треба да ги покријат.
За повеќето жители на Сплит, оваа сума за изнајмување е речиси недостижна. На пазарот за долгорочно изнајмување, особено по туристичката сезона, цените ретко паѓаат под 700 евра, а често се искачуваат на 800 или дури 850 евра месечно.
Сепак, за дигиталните номади кои доаѓаат тука привремено, Сплит останува привлечна дестинација и покрај високите цени.
foto Wikipedia/Tatyana Peshkova
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
