Дилемите расчистени, Жерновски победник, ВМРО ДПМНЕ честиташе!

Добивај вести на Viber

Жерновски и дефинитивно е новиот градоначалник на Центар. Пред малку на прес конференција Илија Димовски, директорот на Центарот за комуникации на ВМРО - ДПМНЕ им ја честиташе победата во Центар на СДСМ. Кандидатот за градоначалник на Центар од „Сојузот за иднината“ Андреј Жерновски претходно прогласи победа на изборите по денешното прегласување на 29 од вкупно 66 гласачки места. „Сојузот за иднината“ објави дека според пребројани над 90 проценти од гласачките ливчиња, Жерновски има предност од над 2.500 гласови пред досегашниот градоначалник Владимир Тодоровиќ од ВМРО-ДПМНЕ. Според ДИК, во овој момент Жерновски има предност од околу 2000 гласови, но сè уште не се пребројани гласовите од 7 избирачки места. Ова значи дека победата на Жерновски е уште позразена отколку во вториот круг кога разликата беше околу 1000 гласови. После 13 години, власта во општината Центар се промени, а во градоначалничката фотелја, сега ќе седне човек од опозицијата. За време на изборната кампања ВМРО ДПМНЕ и СДСМ водеа жестока битка за Центар, но сепак на крајот жителите на оваа општина беа тие кои пресекоа и одлучија да му го одземат мандатот на досегашниот градоначалник од редовите на властаВладимир Тодоровиќ, и таа улога да му ја доделат на Андреј Жерновски од ЛДП и Здружената опозицијата. Ваквиот пресврт според граѓаните беше очекуван. Како што Фактор веќе анализираше за голем дел од жителите на Центар две работи биле клучни за нивната одлука на кого да го дадат својот глас, проектот “Скопје 2014” и зонското паркирање.