Димитров: Бугарија нека го признае македонскиот јазик, да не се врзуваме и за јуни
Објавено во: Македонија 17 Декември, 2021
Никола Димитров, вицепремиерот за евринтеграции, во „Студио 10“ претпладнево рече дека не треба здраво за готово да се зема и рокот од шест месеци кој го побара новата вугарска влада предводена од Кирил Петков за решавање на македонско-бугарскиот спор и добивање на Датум за преговори со ЕУ.
- Подобро да бидеме изненадени од добро, отколку да бидеме разочарани од лошо. Да не се врзуваме за јануари, да не се врзуваме и за јуни. Да видиме дали ќе има искрен приод од новата влада. Да видиме дали ќе има разбирање кај нив.
После ова искуство, прво треба да се видиме, да седнеме. Дај боже да е тоа целосно автентично (рокот на Петков од шест месеци), ама ме направи многу повнимателен изминатото искуство, рече Димитров во студиото.
За напредок во преговорите дипломатот побара од Бугарија да направи позитивен чекор за да ги релаксира односите и преговорите и за почеток категорично да го признае македонскиот јазик.
- Јас работам за македонските интереси, таа ми е задачата, мисијата и каузата. Во моментов актуелното статус-кво е во спротивност на македонското-бугарско пријателство. Не може вака да се гради пријателството - ние нив ќе ги политуваме, а тие нас не. Мора малку добро за да создадете добро, еве нека го признаат македонскиот јазик