Димовски ќе се сретне со Симовски и ќе бара одложување на пописот

Добивај вести на Viber

За директорот на Заводот за статистика Апостол Симовски, кој денеска треба да се сретне со тимот на ВМРО-ДПМНЕ предводен од пратеникот Илија Димовски, е неприфатливо пописот да се одложи за 2021 бидејќи е потребен што е можно порано поради планирање на економските политики.

Директорот на заводот за стистика Симовски за Канал 5 вели дека тој може да разговара за стручниот дел , а политиката вели ќе ја остави на политичарите.

Наместо во 2020, како што предвидува предлог-законот, бара да се одложи за една година подоцна, за да се запазат, како што велат од ВМРО-ДПМНЕ, препораките од Еуростат, но и да се формира државна пописна комисија. 

Димовски денеска ќе се сретне со директорот на државниот завод за статистика, Апостол  Симовски. Средбата  ќе се одржи во собрание, а Димовски во име на ВМРО-ДПМНЕ ќе ги презентира забелешките на опозицијата на законот, кој што СДСМ и ДУИ го пратија во Собрание. 

- Опозицијата има сериозни, суштински и значајни забелешки за Законот и концептот за новиот попис. Не се мали, напротив, но се клучни за пописот да може да биде на ниво на стандардите на ЕУ и Еуростат. Само таков попис може да биде попис кој ќе биде од корист на сите, порача на Твитер денеска Димовски.

Пописот, како што рече премиерот Зоран Заев мора се одржи догодина, а ќе се спроведе по стандарди на ЕВРОСТАТ. Опозицијата, пак, не го прифаќа предложеното решение за пописот, со оценка дека тоа е штетно, неевропско и не ги исполнува критериумите на ОН за спроведување попис на население. По ваквите спротивставени ставови, беше прекината и седницата на собраниската комисија која требаше да расправа по предлог-законот, заради дополнителни консултации, а беа најавени разговори за усогласување на ставовите на власта и опозицијата.