Димовски обвинува за ароганција, а Шеќеринска вели дека им е тешко да признаат пораз

Добивај вести на Viber

Илија Димовски од ВМРО ДПМНЕ, денеска во Собранието  ги обвини пратениците од СДСМ за арогантност. 

Вели дека изминатите денови повикувале на дебата, а сега се изолирале од неа.

„Проблемот е што СДСМ не сакаат да дебатираат за Законот за јазици, за Платформата и јасно и отворено да одговорат за други работи“ - вели  Димовски.

Тој појасни дека тоа што СДСМ го поддржале со 20 потписи Талат Џафери да биде кандидат за собраниски спикер, не значи дека во продолжението на седницата други дваесет пратеници нема да предложат и други кандидати.

Тешко му е на Трајко Вељаноски да ја напушти фотелјата која ја држи незаконски исто како и Емил Димитриев,  рече пратеничката на СДСМ, Радмила Шекеринска. Тешко му е и на Никола Груевски, па затоа одејќи за Малта, бара амбасадори да го дочекуваат по аеродроми во Истанбул, додава таа. 

„Десет години навикнаа да бидат Господ и сега им е тешко џентлменски да го признаат поразот.  Сега ви дадоа вам улога да се брукате за неколкумина да се спасат од правдата поради своите милионски криминали“ - рече Шекеринска.

Таа рече дека претходно Груевски не се дистанцирал од платформата на албанските партии која уште ја нарекуваат и Тиранска платформа.