Добивај вести на Viber
Словенечкиот амбасадор во седиштето на НАТО Андреј Бенедејчич е повлечен на консултации во Љубљана откако се утврдило дека тој шпионирал во корист на Русија, објави словенечкиот неделник „Репортер“, повикувајќи се на анонимни извори.
Според сознанијата на неделникот, Бенедејчич, кој е поранешен словенечки амбасадор во Русија, бил проруски расположен, што е особено чувствително прашање во услови на екстремно заладени односи меѓу Москва и Европската унија како резултат на украинската криза.
Наводно, Полска побарала да се испитаат сомненијата дали словенечкиот амбасадор шпионира во корист на Русија.
Ваквите информации ги демантира словенечкото Министерство за надворешни работи, од каде велат дека „од разговорите извршени со амбасадорот Бенедејчич било утврдено дека се работи само за гласини, без никаква втемеленост во факти“.