Директорката на Централен регистар: „Цар Борис Трети“ непрописно поднел барање за промена на името
Објавено во: Македонија 23 Февруари, 2023
Откако централниот регистер претходно ја информираше јавноста дека бугарското здруќение со иритантен назив „Цар Борис Трети“ поднело барање за промена на името заради запазување на законскиот рок да избегне бришење, сега директорката Марија Бошковска Јанковски вели дека апликацијата била непрописно поднесена.
Тоа според директорката на Централен регистар, како што рече таа во „Студио 10“ на Телевизија 24, најверојатно е направено „за да купи уште време“ по истекувањето на рокот пропушан со измените на Законот за здруженија и фондации.
„Во врска дали овие споменати здруженија поднеле пријава за промена на име - за „Иван Михајлов“ не е поднесена пријава за името, додека за “Цар Борис Трети“ на 10 февруари е поднесено барање со допис за усогласување со новиот Закон за здруженија и фондации и не е наведено ништо друго. Тоа не ја задоволува законската процедура за менување на име. Сепак отворен е деловоден број и информирано е дека треба да постапи соглансо Законот - да достави пријава и пропратна документација за да го изврши усогласувањето. Ова е можеби купување време, но ако достават пријава како што треба, ќе биде информирано Министерството за правда да почека“,изјави Бошковска Јанковски денеска во студиото.
Таа информираше дека до новоформираната Комисија во Министерството за правда се доставени за проверка на имињата на сите 17.000 регистрирани здруженија во Македонија.
Од Централниот регистар и натаму се чека на првиот одговор од Министерството за правда за тоа дали треба некое здружение да згасне.
- Испратена е комплет документација, а генерално статутите и програмите се речиси идентични кај сите здруженија, нема некоја разлика. Сите се земени од базата во Централниот регистар. Од сега понатаму за сите нови ќе бараме мислење од Комисијата па потоа ќе го запишуваме името , односно ќе го регистрираме, додаде Бошковска Јанковски.