СПАСЕНА ЕКИПАТА НА ИТНАТА ПОМОШ: четирите лица заглавени во лифт во Кисела Вода се извлечени
Објавено во: Македонија 26 Јуни, 2024
Четири лица, екипа на Итна медицинска помош се извлечени од лифт кој паднал и во кој биле блокирани. Сите се извлечени од лифтот и пренесени на прегледи бидејќи имаат повреди, информираат од Центарот за управување со кризи.
Како што претходно беше соопштено, екипата на Итната медицинска помош од Скопје беше заглавена во лифт во подрумски дел од зграда на улица „Христо Татарчев“ бр.47 во скопската населба Кисела Вода. За ова добиле пријава на телефонот 112 во 11:22 часот.
- Итно се известени Бригадата за противпожарна заштита Скопје и СВР Скопје. Екипата се движела од приземје кон 6 кат, но кога дошле над вториот кат, лифтот збрзано се спуштил, односно пропаднал во подрумот. Во него имало четири лица во моментот на падот, а пациент немало, бидејќи екипата била на констатација на смрт. Три лица од присутните се жалат на повреди - прецизираат од ЦУК.
Претходно ЦУК информираше дека во лифтот е заглавена екипа на Итната помош заедно со пациент.